ការប្រកួតក្នុងទឹកដីរបស់ក្លឹប Napoli កាលពីយប់មិញ មិនអាចធ្វើអ្វីក្រុមកំពូលតារាង AC Milan ចេញនោះទេ ក្រោយពីរងបរាជ័យក្រោមលទ្ធផល ១-៣។
ក្នុងចំណោមគ្រាប់បាល់ជ័យជម្នះរបស់ក្រុមភ្ញៀវគឺមានចំណែកសំខាន់ ២ គ្រាប់កើតចេញពីខ្សែប្រយុទ្ធវ័យចំណាស់ Zlatan Ibrahimovic ដែលរកបានគ្រាប់បាល់ទីមួយនៅនាទី ២០ តាមរយៈការហក់តែតបញ្ចូលទីយ៉ាងល្អ និងគ្រាប់បាល់ទីពីរនៅនាទី ៥៤។ លុះដល់នាទី ៦៣ Dries Mertens របស់ Napoli មានឱកាសតាមបានមួយគ្រាប់វិញ តែរំលង ២ នាទីបន្ទាប់សមាជិកក្រុម Bakayoko ក៏រងពិន័យកាតក្រហម។ មកទល់នាទី ៩០+៥ កៀកបញ្ចប់តង់ហើយនោះ ក្រុមម្ចាស់ផ្ទះបន្ថែមគ្រាប់បាល់ទី ៣ មុនផ្លុំកញ្ចែបញ្ចប់ការប្រកួត។
ទស្សនាវីដេអូខាងក្រោម៖
បញ្ជាក់ថា Milan មាន ២០ ពិន្ទុគិតត្រឹមជុំទី ៨ ដែលនាំមុខ Sassuolo ២ ពិន្ទុ និងក្រុមនៅលេខរៀងទី ៤ គឺ Juventus ដល់ទៅ ៤ ពិន្ទុ។ រីឯ Zlatan ក៏កំពុងនាំមុខ Top Scorer នៅក្របខ័ណ្ឌ Serie A ផងដែរ ដោយរកបាន ១០ គ្រាប់ នាំមុខ C.Ronaldo ២ គ្រាប់៕