ក្រុម Barcelona បានលេងចាញ់ក្រុម Atletico Madrid ក្នុងលទ្ធផល ១-០ សម្រាប់ការប្រកួតពានរង្វាន់ La Liga នៅយប់មិញនេះ។១គ្រាប់របស់ក្រុម AT Madrid ដែលធ្វើសម្រេចដោយ Carrasco នោះ គឺកើតចេញពីកំហុសរបស់ Stegen នៅចុងតង់ទី១ទៅហើយ។
សម្រាប់១គ្រាប់ដែលរបូតនោះ ត្រូវបានលោក Ronald Koeman អ្នកចាត់ការក្រុមអ្នកមានបុណ្យ បានអះអាងថាមិនគួរឱ្យកើតមាននោះទេ ព្រោះក្រុមដូច Barcelona ត្រូវមានការប្រុងប្រយ័ត្នគ្រប់ពេល។
លោក Koeman បាននិយាយថា៖ “យើងលេងបានល្អនៅតង់ទី១ ប៉ុន្តែក្រុមដូចជា Barcelona មិនគួររបូតគ្រាប់បាល់នៅនាទី៤៧ដូចយើងបានធ្វើនេះនោះទេ។ យើងត្រូវតែពង្រឹងនៅតំបន់ប្រយុទ្ធ និងការពារវិញ។ យើងដឹងថាយើងត្រូវបន្ដទៅមុខទៀត ជាមួយការឈ្នះការប្រកួតបន្ទាប់”៕
ប្រភព៖ Marca