ក្រុម FC Barcelona កាន់តែពិបាកទៅហើយនៅក្របខណ្ឌ La Liga បន្ទាប់ពីពួកគេបានបរាជ័យក្រោមថ្វីជើងក្រុម Atletico Madrid ក្នុងលទ្ធផល ១-០ នៅយប់មិញនេះ។មួយគ្រាប់របស់ Carrasco នៅនាទី៤៥+៣ នៅយប់មិញនេះ បានធ្វើឱ្យក្រុមអ្នកមានបុណ្យស្ថិតនៅលេខ១១ក្នុងតារាង La Liga ឯណោះ។
ស្របពេលពួកគេទើបមាន១១ពិន្ទុទេ ឆ្លងកាត់៨ប្រកួត។ ស្ថិតិនេះបានបង្ហាញថាក្រុម Barcelona មានគម្លាតឆ្ងាយណាស់ជាមួយក្រុមកំពូលតារាង និងពិបាកក្នុងការប្រជែងយកចំណាត់ថ្នាក់ល្អមកវិញផងដែរ ជាមួយទម្រង់លេងបច្ចុប្បន្ន។
មិនត្រឹមតែបរាជ័យមួយមុខនេះទេ ក្រុម Barcelona នឹងអវត្តមានខ្សែការពារ Pique ជាច្រើនសប្ដាហ៏ថែមទៀតផង ខណៈដែលរូបគេបានរងរបួសជង្គង់ធ្ងន់ធ្ងរនៅយប់មិញ៕
ប្រភព៖ DailyMail