ខ្សែប្រយុទ្ធ Roberto Firmino បានជួយសង្គ្រោះជីវិតក្មេង២នាក់នៅប្រទេសប្រេស៊ីល ដោយបានបរិច្ចាគប្រាក់៧៥ ០០០ដុល្លារ ទៅដល់គ្រួសារពួកគេ ដើម្បីព្យាបាលជំងឺ។
\ក្មេងប្រុស២នាក់ឈ្មោះថា Joao និង Miguel បានកើតជំងឺសាច់ដុះក្នុងឆ្អឹងខ្នងដែលតម្រូវឱ្យពួកគេធ្វើការវះកាត់ជាបន្ទាន់។ ខណៈដែលគ្រួសាររបស់ក្មេងទាំង២នាក់នេះ មានភាពខ្វះខាត ក៏បានបង្កើតជាមូលនិធិមួយនៅលើបណ្ដាញសង្គម ដើម្បីឱ្យមានអ្នកជួយក្មេងប្រុសទាំងពីរនាក់នេះផង។ ពួកគេត្រូវការប្រាក់ជាច្រើន ដើម្បីជួយសង្គ្រោះជីវិតកូនដែលត្រូវបញ្ជូនទៅព្យាបាលនៅអាមេរិក។ ខណៈនោះ គេក៏បានឃើញកីឡាករ Firmino បានផ្ដល់ជំនួសចំនួន៧៥ ០០០ដុល្លារភ្លាម សម្រាប់ព្យាបាលក្មេង២នាក់នេះ។
មិនមានការបញ្ជាក់ពីខាង Firmino នោះទេ ប៉ុន្តែឪពុកម្ដាយក្មេងទាំងពីរនាក់ខាងលើបាននិយាយអរគុណទៅខ្សែប្រយុទ្ធជម្រើសជាតិប្រេស៊ីលខាងលើនេះ ដែលបានជួយកូនទាំងពីររបស់ពួកគេ។ ដោយបញ្ជាក់ថា ប្រពន្ធរបស់ Firmino ជាអ្នកទូរសព្ទមកពួកគេផ្ទាល់ ហើយបញ្ជាក់ថានឹងជួយសម្រាប់ការព្យាបាលខាងលើនេះ៕ប្រភព៖ DailyMail
