អតីតខ្សែប្រយុទ្ធ Rivaldo របស់ក្រុម Barcelona បានអះអាងថានេះជារដូវកាលចុងក្រោយរបស់ Lionel Messi ហើយ ជាមួយក្រុមអ្នកមានបុណ្យ Barcelona ។ 
Messi បានស្នើសុំក្លឹប ដើម្បីបញ្ចប់កុងត្រារបស់គេកាលពីរដូវក្ដៅកន្លងទៅ ប៉ុន្តែចុងក្រោយថ្នាក់ដឹកនាំមិនព្រម រហូតដល់មានការសង្កត់ធ្ងន់រៀងៗខ្លួន រហូតដល់រូបគេបន្ដលេងមួយរដូវកាលនេះទៀត។ យ៉ាងណាមិញ នារដូវកាលនេះក៏ក្រុម Barcelona មិនទាន់បាននិយាយបញ្ចុះបញ្ចូលរូបគេឱ្យតកុងត្រាបានទៀតដែរ ហើយរឿងមិនល្អក៏តែងតែកើតមានជានិច្ចផងដែរ។
ចំពោះអនាគត Messi លោក Rivaldo ដែលជាអតីតកីឡាករក្រុមអ្នកមានបុណ្យដែរនោះ ចេញមកអះអាងថា Messi លេងនៅក្រុម Barcelona ត្រឹមរដូវកាលនេះទេ។ រូបគេនឹងចាកចេញក្រោយអស់កុងត្រា។ ការកាត់បន្ថយចំណាយ និងកាត់ប្រាក់ឈ្នួលកីឡាករ បានធ្វើឱ្យមានការពិបាកមែនទែនសម្រាប់ការផ្ដល់កុងត្រាសម្រាប់ Messi៕
ប្រភព៖ Marca