ក្នុងការប្រកួតអន្តរជាតិ ដែលក្រុមជម្រើសជាតិកូឡុំប៊ី លេងចាញ់ក្រុមអេក្វាឌ័រ ៦-១ កន្លងទៅនោះ ត្រូវបានគេដឹងថាក្នុងបន្ទប់ផ្លាស់សំលៀកបំពាក់ កីឡាករកូឡុំប៊ី មានការឈ្លោះប្រកែកគ្នាខ្លាំង។
ដោយរបាយការណ៍ដំបូង បានបញ្ជាក់ថាក្រោយពីចាញ់ក្រុមអេក្វាឌ័រទៅ សមាជិកក្រុមជម្រើសជាតិកូឡុំប៊ីបានស្ដីបន្ទោសគ្នាយ៉ាងខ្លាំង រហូតដល់មានការឈ្លោះប្រកែកហិង្សាកើតឡើងផងដែរ។ ក្នុងនោះមានតែ James កីឡាករលេងនៅក្លឹប Everton ទៀតផង។ តែក្រោយពីធ្លាយរឿងនេះមក សាមីខ្លួនបានចេញមកបដិសេធថាមិនបានពាក់ព័ន្ធឡើយ។
James បានអះអាងថា៖ “ខ្ញុំសូមបញ្ជាក់ជាសាធារណៈថា ខ្ញុំសូមបដិសេធចំពោះដំណឹងទាំងអស់ដែលបានចុះផ្សាយថាខ្ញុំបានវាយ និងបង្កជម្លោះជាមួយសមាជិកក្រុមដទៃទៀតកាលពីពេលកន្លងទៅ។ ខ្ញុំតែងតែគោរព និងស្រលាញ់សមាជិកក្រុមគ្រប់គ្នា បើទោះជាស្ថិតក្នុងស្ថានភាពលំបាកឬយ៉ាងណានោះទេ”៕
ប្រភព៖ DailyMali