ប្រភពនៅអង់គ្លេស បានចេញផ្សាយថាអំឡុងពេលហ្វឹកហាត់កន្លងទៅនេះ សមាជិកក្រុម Arsenal មានការឈ្លោះប្រកែកគ្នា រហូតដល់ប្រើកម្លាំងបាយថែមទៀតផង។
ក្នុងការប៉ះទង្គិចគ្នានោះ គឺរវាងខ្សែការពារ David Luiz ជាមួយខ្សែបម្រើ Dani Ceballos អំឡុងពេលហ្វឹកហាត់។ ពួកគេបានប៉ះទង្គិចគ្នានេះ អំឡុងពេលហ្វឹកហាត់លក្ខណៈប្រកួតគ្នាលើទីលាន ដោយមានក្រុមយុវជនមកចូលរួមផងដែរ។ Luiz បានវាយទៅលើ Dani ចំច្រមុះ មុនពេលមានគេមកចាប់បំបែកគ្នាចេញវិញ។ ការប៉ះទង្គិចគ្នានេះ ត្រូវបានគេដឹងមកថាដោយសារ Dani លេងកាចពេក ក្នុងការប្រកួតគ្នាឯងនេះ។
លោក Arteta ក្រោយពេលកើតហេតុក៏បានបញ្ជូនកីឡាករទាំងពីរចេញពីទីលានដើម្បីសម្រួលគ្នា។ ជាចុងក្រោយ ភាគីទាំងពីរក៏បានសុំទោសគ្នាទៅវិញទៅមក ដើម្បីជាការបញ្ចប់រឿងនេះទៅ៕
ប្រភព៖ DailyMail