ខ្សែបម្រើប្រយុទ្ធ Eden Hazard និងខ្សែការពារ Militao បានជាសះស្បើយពីមេរោគកូវីដ១៩ហើយ និងអាចចូលហាត់ជាមួយក្រុមបានវិញជាធម្មតា។
Hazard និង Militao តេស្ដវិជ្ជមានកូវីដ១៩កាលពីសប្ដាហ៏មុននោះ ហើយមិនអាចចូលលេងនៅជម្រើសជាតិកាលពីពេលកន្លងទៅនេះបានដែរ។ យ៉ាងណាមិញ ក្រោយពីសម្រាកព្យាបាលជាច្រើនថ្ងៃមក ពេលនេះលទ្ធផលតេស្ដរបស់ពួកគេចេញមកអវិជ្ជមានវិញហើយ។ នេះមានន័យថារូបគេអាចចូលហាត់បានជាធម្មតាវិញជាមួយក្រុមដើម្បីត្រៀមប្រកួតនៅចុងសប្ដាហ៍នេះ។
រំលឹកថាការជាសះស្បើយទាំងពីរនាក់ខាងលើនេះ គឺកីឡាករក្រុម Real Madrid ដែលឆ្លងកូវីដបានជាសះស្បើយដល់ទៅ៣នាក់ហើយ ព្រោះ Casemiro កាលពីម្សិលមិញនេះ ក៏រកឃើញថាអវិជ្ជមានកូវីដ១៩ផងដែរ។ ពួកគេនឹងអាចមានវត្តមានលេងក្នុងការប្រកួតទល់ក្រុម Villarreal នៅចុងសប្ដាហ៍នេះបាន៕
ប្រភព៖ Marca