បន្ទាប់ពីព្រឹត្តិការណ៍ប្រកួតចំនួន៣ក្នុងរយៈពេល៣សប្តាហ៍បានកន្លងផុតទៅ ឥឡូវនេះ ONE Championship ត្រៀមខ្លួននាំមកនូវព្រឹត្តិការណ៍ស៊េរីចុងក្រោយរបស់ INSIDE THE MATRIX ទៀតហើយ។
នៅថ្ងៃសុក្រ ទី២០ ខែវិច្ឆិកា ខាងមុខនេះ ស្ថាប័នផ្សព្វផ្សាយកីឡាធំបំផុតក្នុងលោកនឹងនាំយកព្រឹត្តិការណ៍ប្រកួត ONE: INSIDE THE MATRIX IV ដែលជាការចាក់ផ្សាយនូវកម្មវិធីប្រកួតថតទុកចេញពីប្រទេសសិង្ហបុរី។
សម្រាប់គូឯកប្រចាំព្រឹត្តិការណ៍ ជើងខ្លាំងឃីកបុកសីងចំណាត់ថ្នាក់លេខ២ “Golden Boy” Wang Junguang វិលមកកាន់សមរភូមិប្រយុទ្ធទល់នឹងជើងខ្លាំងលេចមុខថ្មី Aslanbek Zikreev។
កីឡាករ Wang ដែលមានប្រវត្តិប្រកួតឈ្នះ២៤ដង ចាញ់៤ដង និងស្មើ១ដងក្នុងអាជីពបានបង្ហាញខ្លួនលើឆាកអន្តរជាតិលើកដំបូងកាលពីខែតុលា ឆ្នាំ២០១៩។ កីឡាករអាយុ២៥ឆ្នាំសញ្ជាតិចិនប្រើពេលតែមួយទឹកប៉ុណ្ណោះដើម្បីផ្តួលដៃគូ Federico “The Little Big Man” Roma ឲ្យសន្លប់ក្នុងទឹកទី១។
ជ័យជម្នះខាងលើនេះបានផ្តល់ឲ្យ Wang ទទួលបានឱកាសទៅជួបជាមួយជើងឯក Sam-A Gaiyanghadao ដើម្បីប្រកួតដណ្តើមខ្សែក្រវាត់ពិភពលោក ONE Strawweight Kickboxing World Title កាលពីខែធ្នូ ឆ្នាំ២០១៩។ ប៉ុន្តែបន្ទាប់ពីការតស៊ូគ្នាយ៉ាងស្វិតស្វាញ៥ទឹកពេញ វីរបុរសថៃឈ្នះដោយពិន្ទុ និងបានគ្រងខ្សែក្រវាត់ពិភពលោកនោះ។
ឥឡូវនេះកីឡាកររហស្សនាម “កុមារមាស”ចាប់ផ្តើមវិថីឆ្ពោះទៅកាន់ខ្សែក្រវាត់ពិភពលោកជាថ្មី សម្រាប់ការប្រកួតក្នុងប្រភេទទម្ងន់៥៨.៣គីឡូក្រាមជាមួយនឹង Zikreev ដែលជាជើងឯកមួយថៃអឺរ៉ុប និងរុស្ស៊ី ដែលកំពុងស្វែងដំណើរឆ្ពោះទៅផែនការរបស់ខ្លួនដែរ។
ជើងឯកមួយថៃពិភពលោក WPMF គឺកីឡាករ Rocky Ogden បានកំពុងស្ថិតនៅលើវិថីប្រដាល់របស់ខ្លួនគួរឲ្យចាប់អារម្មណ៍។
ជើងឯកឃីកបុកសីងពិភពលោក និងជាជើងឯកមួយថៃពិភពលោក១០ដង John Wayne “The Gunslinger” Parr ស្វែងរកផ្លូវទៅកាន់ចំណាត់ថ្នាក់លេខ២នៅក្នុងតារាងចំណាត់ថ្នាក់មួយថៃនៃទម្ងន់ strawweight និងសាងកេរ្តិ៍ឈ្មោះបន្ថែមទៀតដើម្បីបោះជំហានទៅប្រកួតជាថ្មីជាមួយ Sam-A ដែលបានយកឈ្នះខ្លួនកាលពីខែកុម្ភៈ ដើម្បីឈ្នះខ្សែក្រវាត់មួយថៃពិភពលោក ONE Strawweight Muay Thai World Title។
Ogden បានប្តេជ្ញាស្វែងរកជ័យជម្នះលើកទី៣៧របស់ខ្លួនក្នុងអាជីពនៅពេលដែលត្រូវប្រឈមនឹងម្ចាស់ខ្សែក្រវាត់មួយថៃ WBC ពិភពលោក Joseph “The Hurricane” Lasiri ក្នុងតំណែងគូឯករងប្រចាំព្រឹត្តិការណ ONE: INSIDE THE MATRIX IV។
Lasiri ដែលកាលពីមុនវ៉ៃក្នុងប្រភេទទម្ងន់ flyweight ឥឡូវនេះឈានឡើងទៅវ៉ៃក្នុងប្រភេទទម្ងន់៥៩គីឡូក្រាមវិញម្តង។ ប្រសិនបើអ្នកប្រយុទ្ធអ៊ីតាលីរូបនេះអាចស្វែងរកជ័យជម្នះលើកទី៤១របស់ខ្លួននាថ្ងៃសុក្រនេះបាន នោះគឺអាចជាសញ្ញាដ៏គ្រោះថ្នាក់មួយចូលទៅក្នុងប្រភេទទម្ងន់ strawweight ដែលទម្ងន់នេះកីឡាករថៃ Sam-A ជាអធិរាជលើសង្វៀន។
ខាងក្រោមជាគូប្រកួតទាំងអស់៖
សមាសភាពគូប្រកួតនៅ ONE: INSIDE THE MATRIX IV
- Wang Junguang ប្រកួតជាមួយ Aslanbek Zikreev (ឃីកបុកសីងទម្ងន់៥៨.៣គីឡូក្រាម)
- Rocky Ogden ប្រកួតជាមួយ Joseph Lasiri (មួយថៃទម្ងន់៥៩គីឡូក្រាម)
- Bruno Pucci ប្រកួតជាមួយ Kwon Won Il (គុនចម្រុះទម្ងន់ featherweight)
- Ryogo Takahashi ប្រកួតជាមួយ Yoon Chang Min (គុនចម្រុះទម្ងន់ bantamweight)
- Maira Mazar ប្រកួតជាមួយ Choi Jeong Yun (គុនចម្រុះទម្ងន់៦១.៣៥គីឡូក្រាម)