ខ្សែប្រើ Phil Foden រកបាន២គ្រាប់ម្នាក់ឯងជួយក្រុមជម្រើសជាតិអង់គ្លេសយកឈ្នះលើក្រុមអ៊ីស្លង់ក្នុងលទ្ធផល ៤-០ ឯណោះនាពានរង្វាន់ UEFA Nations League ។Foden ត្រូវបានអង់គ្លេសដកឈ្មោះចេញម្ដងមកហើយ បន្ទាប់ពីរូបគេនិងមិត្តរួមក្រុម Greenwood ធ្លាប់ហៅនារីឡើងសណ្ឋាគារកន្លងទៅនេះ។
ក្រោយពីរងរឿងអាស្រូវមួយរយៈនោះមក ពេលនេះរូបគេត្រូវបានលោក Gareth Southgate កោះហៅមកវិញហើយ និងមានឱកាសបានចូលលេងថែមទៀតផង។ ជាក់ស្ដែងនៅយប់មិញនេះ រូបគេរួមចំណែករកបាន២គ្រាប់ឯណោះក្នុងចំណោម៤គ្រាប់ដែលអង់គ្លេសរកបាន។
Foden បាននិយាយក្រោយចប់ការប្រកួតថា២គ្រាប់ដែលរូបគេរកបាននេះ គឺដើម្បីតបស្នងដល់អ្នកគាំទ្រ និងគ្រូបង្វឹកដែលបានផ្ដល់ទំនុកចិត្តនិងឱកាសឱ្យរូបគេចូលលេងវិញ។ កំហុសកន្លងទៅនោះ បានធ្វើឱ្យកីឡាករវ័យ២០ឆ្នាំរូបនេះទុកជាមេរៀននិងមិនឱ្យកើតមានឡើងម្ដងទៀតឡើយ៕
ប្រភព៖ DailyMail