ក្លឹប Real Madrid ត្រូវបានគេរាយការណ៍ថា កំពុងផ្តល់ឱកាសឲ្យទៅភាគីខាងក្លឹប West Ham United ជុំវិញការចុះហត្ថលេខានាំយក Mariano Diaz នៅទីផ្សារដោះដូរនាពេលខាងមុខ។ នេះបើតាមរបាយការណ៍ពី Mail បានចុះផ្សាយ។
Diaz ធ្លាប់ជាអ្នកគ្រងអាវលេខ ៧ ចាស់ ក្រោយពេល Cristiano Ronaldo ចាកចេញថ្មីថ្មោង ប៉ុន្តែឱកាសនៃការបង្ហាញខ្លួនរបស់គេ កាន់តែចុះថយទៅ ពោលជាការនាំយកខាតបង់សុទ្ធសាធ ការដែល Real ចាយលុយយកគេចេញពី Lyon។
ចាប់តាំងពីការផ្ទេររបស់គេនៅឆ្នាំ ២០១៨ កីឡាករអេស្ប៉ាញ រកបានតែ ១០ គ្រាប់និង Assist ២ លើកប៉ុណ្ណោះនៅការបង្ហាញខ្លួន ៤១ ប្រកួត ជាមួយការឈរជើង ១ ០០១ នាទី ភាគច្រើននាមជាកីឡាករបម្រុង។
តាមហាងឆេងថ្លៃខ្លួនរបស់គេសព្វថ្ងៃគឺប្រមាណ ១២ លានអឺរ៉ូ ដែលធ្លាក់ ១ ទ្វេជា ២ ធៀបនឹងពីរឆ្នាំមុន ហើយអាចថាសមល្មមសម្រាប់ក្លឹបកម្រិតបង្គួរដូចជា West Ham ធ្វើការលៃលកបាន៕ ប្រភព៖ Sportskeeda