Georginio Wijnaldum កុងត្រារបស់គេជាមួយក្លឹបហង្សក្រហម Liverpool គឺមានសុពលភាពដល់បញ្ចប់រដូវកាល ២០២០/២១ នេះ ហើយបើទោះបីជារបាយការណ៍ចុងក្រោយលេចលឺថា ម្ចាស់ដី Anfield ព្រមបន្តកុងត្រាថ្មីឲ្យក៏ដោយ ក៏សាមីខ្លួនគេមិនព្រមនោះដែរ។
Wijnaldum មិនបានក្លាយជាចំណែកសំខាន់របស់លោក Jurgen Klopp នោះទេ ពោលគឺទុកប្រើតែពេលត្រូវការចាំបាច់តែប៉ុណ្ណោះ។ Liverpool បានផ្តល់កុងត្រាថ្មី ៣ ឆ្នាំ ជាមួយថ្លៃពលកម្ម ១០៥ ០០០ ផោន/សប្តាហ៍ដល់កីឡាករហូឡង់ តែបុរសវ័យ ៣០ ឆ្នាំ ចង់ផ្លាស់ប្តូរទៅស្វែងរកការប្រកួតប្រជែងថ្មី។
តាមរបាយការណ៍ពី Calciomercato ចុះផ្សាយថា Wijnaldum ចង់ផ្ទេរទៅចូលរួមនៅ Barcelona ក្រោមការដឹកនាំរបស់លោក Ronald Koeman ប្រសិនជាមានឱកាស ព្រោះអ្នកទាំងពីរធ្លាប់មានទំនាក់ទំនងល្អនាមជាគ្រូសិស្សពេលនៅជម្រើសជាតិ។
បញ្ជាក់ថា ក្លឹបនៅអ៊ីតាលី Inter Milan ក៏ចាប់អារម្មណ៍លើគុណភាពលេងរបស់ Wijnaldum ផងដែរ ហើយមានបំណងចង់ប្រជែងជាមួយ Barca នៅលើទីផ្សារដោះដូរនាខែមករា ឆ្នាំ ២០២១ ខាងមុខ៕ ប្រភព៖ Sportsmole