លោក Javier Tebas ប្រធាន La Liga បានអះអាងថាក្រុមការងាររបស់លោកបានត្រៀមជាស្រេចហើយ សម្រាប់ការចាកចេញរបស់ Lionel Messi នៅពេលខាងមុខនេះ។Messi នៅសល់កុងត្រាជាមួយក្រុម Barcelona នៅត្រឹមចប់រដូវកាលនេះទេ ខណៈដែលរដូវកាលដោះដូរកីឡាករកន្លងទៅ កីឡាករអាហ្សង់ទីនរូបនេះព្យាយាមចាកចេញពីអេស្ប៉ាញរួចទៅហើយ។
ស្ថានភាពបច្ចុប្បន្ននេះ ក្រុមអ្នកមានបុណ្យទំនងជាពិបាកក្នុងការឃាត់កីឡាករឆ្នើមរបស់ខ្លួនខ្លាំងណាស់ ត្បិតអីទម្រង់លេងរបស់ក្រុម និងស្ថានភាពពិបាកសេដ្ឋកិច្ចក្លឹបទាំងមូលគឺជាឧបសគ្គធំសម្រាប់ការបន្ដកុងត្រាឱ្យកីឡាករមានប្រាក់ឈ្នួលខ្ពស់នេះ។
ជាមួយរឿង Messi ចង់ចាកចេញនេះដែរ លោក Tebas បាននិយាយដែរថា៖ “យើងពិតជាចង់ឱ្យ Messi បន្ដនៅ La Liga ប៉ុន្តែ Ronaldo និង Neymar បានចេញទៅ ហើយយើងក៏គិតថាវាមិនមានអ្វីខុសគ្នាដែរ បើ Messi ចេញ។ ខ្ញុំមិនបារម្ភច្រើនឡើយ ក្រុមការងាររបស់យើងក៏បានត្រៀមហើយដែរសម្រាប់រឿងដែលត្រូវកើតខាងមុខនេះ”៕
ប្រភព៖ Goal