ក្លឹប Inter Milan ត្រូវបានគេរាយការណ៍ថា បានផ្តល់ឱកាសឲ្យទៅក្លឹប Arsenal ជុំវិញការដោះដូរស្មើរវាងកីឡាករ Granit Xhaka និង Christian Eriksen។
ត្បិតបើក្លឹបទាំងពីរកំពុងឈានដល់ក្បែរពាក់កណ្តាលរដូវកាលទៅហើយក្តី តែមើលតាមស្ថានភាពកីឡាករទាំងពីរបានត្រឹមតែបម្រុង ហើយមិនស្ថិតក្នុងជម្រើសរបស់អ្នកចាត់ការ ក្នុងការប្រកួតលើទីលានទាល់តែសោះ។
តាមរបាយការណ៍ពី CdS បានចុះផ្សាយថា Conte បានបើកផ្លូវឲ្យ Eriksen ចាកចេញទៅ Emirate Stadium ប្រសិនណា Xhaka គេព្រមផ្ទេរមកចូលរួមនៅក្លឹបក្នុងប្រទេសអ៊ីតាលីវិញ។ ពេលនេះក្លឹប Arsenal កំពុងតែគិតគូរ ហើយកិច្ចព្រមព្រៀងអាចធ្វើទៅបាននៅទីផ្សារដោះដូររដូវរងា នាខែមករា ឆ្នាំ ២០២១ ខាងមុខ។
បញ្ជាក់ថា Eriksen ត្រូវបាន Spurs លក់ឲ្យ Inter កាលពីចុងខែមករា ឆ្នាំ ២០២០ ជាមួយតម្លៃខ្លួន ២៧ លានអឺរ៉ូ។ មកទល់ពេលនេះគេទើបចូលរួមលេងបានបាន ៣៣ ប្រកួតប៉ុណ្ណោះ ដោយរកបាន ៤ គ្រាប់និង Assist ៣ លើក ជាមួយការឈរជើងជាង ១ ៣០០ នាទី៕
ប្រភព៖ Sportsmole