ចុង​ក្រោយ ​Man Utd ​មិន​បាន​នាំ​យក​កីឡាករ​ថ្មី​ណា​ម្នាក់​ឡើយ​

បិសាច​ក្រហម Manchester United ​បាន​បញ្ចប់​រដូវ​កាល​ដោះដូរ​កីឡាករ​ហើយ ​ដោយ​មិន​អាច​ទិញ​យក​ខ្សែ​ការពារ​ណា​ម្នាក់​បាន​ឡើយ។ការ​ទិញ​មិន​បាន​សូម្បី​ម្នាក់​ដែល​ជា​កីឡាករ​ក្រុម​ត្រូវ​ការ​នេះ ​បណ្ដាល​ឱ្យ​អ្នក​គាំទ្រ​ជា​ច្រើន​ដាក់​ចម្ងល់​ថា​តើ​បិសាច​ក្រហម ​កំពុង​មាន​បញ្ហា​អ្វី​ទើប​បាន​ជា​ទិញ​នរណា​ក៏​មិន​បាន​ដូច្នេះ? ​លោក Jose Mourinho ​អ្នក​ចាត់ការ​ដែល​កីឡាករ​គ្រប់​គ្នា​ចង់​ធ្វើ​ការ​ជាមួយ​នោះ បែរ​ជា​មិន​អាច​អន្ទង់​ចិត្ត​ម្នាក់​ណា​បាន​ឡើយ ​បើ​ទោះ​ជា​ផ្ដល់​តម្លៃ​ខ្លួន​ថ្លៃ​យ៉ាង​ណា​ក្ដី។

កីឡាករ​ដំបូង​ដែល​បិសាច​ក្រហម​ចង់​បាន​គឺ Diego Godin ​លេង​នៅ​ក្លឹប Atletico Madrid ​ក្នុង​តម្លៃ​ខ្លួន​១៨​លាន​ផោន ​ក្រោយ​ពី​ទិញ​កីឡាករ​អ៊ុយរុយហ្គាយ​រូប​នេះ​មិន​បាន​ហើយ ​ក៏​ទៅ​ទាក់ទង​យក​ Toby Alderweireld ​របស់ Spurs ​ខ្សែ​ការពារ Yerry Mina ​របស់ Barcelona  កីឡាករ Maguire ​របស់ Leicester City ​និង Boateng ​របស់ Bayern ​ទៀត។ ជា​ចុង​ក្រោយ កីឡាករ​ទាំង​អស់​នេះ ​បែរ​ជា​បដិសេធ​មក​ធ្វើ​ការ​នៅ Old Trafford ​ទៅ​វិញ។ នេះ​បាន​ធ្វើ​ឱ្យ​លោក Jose Mourinho ​ខក​ចិត្ត​យ៉ាង​ខ្លាំង ​ព្រោះ​ថា​គម្រោង​បន្ថែម​កម្លាំង​ការពារ​នៅ​រដូវ​កាល​នេះ ​ត្រូវ​សូន្យ​ឈឹង​ហើយ៕ប្រភព៖ DailyMail

 

 

ភ្ជាប់ទំនាក់ទំនងជាមួយ CTS SPORT