កីឡាករ Jordan Henderson និង Raheem Sterling ត្រូវបានអង់គ្លេសឱ្យត្រលប់ទៅក្លឹបដើមវិញហើយ បន្ទាប់ពីរូបគេមានបញ្ហារបួសតិចតួច មិនអាចចូលលេងបាន។Henderson ត្រូវបានប្ដូរចេញនៅពាក់កណ្ដាលតង់ ក្នុងការប្រកួតទល់ក្រុមបែលហ្សិកកាលពីថ្ងៃអាទិត្យកន្លងទៅនេះ ខណៈដែល Sterling ក្នុងការប្រកួតនេះក៏មិនបានចូលលេងដែរ។
លោក Gareth Southgate បានអះអាងថាកីឡាករទាំងពីរនេះ មិនមានរបួសធ្ងន់ធ្ងរទេ ប៉ុន្តែដើម្បីការពារខ្លាចរបួសខ្លាំង ទើបក្រុមជម្រើសជាតិឱ្យពួកគេត្រលប់ទៅក្លឹបវិញដើម្បីព្យាបាលបន្ដ និងត្រៀមលេងនៅចុងសប្ដាហ៍នេះ។
ប្រធានក្រុម Henderson ប្រសិនបើរបួសទៀត នោះនឹងធ្វើឱ្យក្រុម Liverpool ឈឺក្បាលខ្លាំងមិនខានពេលប៉ះក្រុម Leicester City នៅចុងសប្ដាហ៍នេះ ព្រោះពេលនេះពួកគេអវត្តមានកីឡាករច្រើនណាស់ដូចជា Trent Alexander-Arnold, Andy Robertson, Thiago Alcantara និង Alex Oxlade-Chamberlain។ ស្របពេល Mohamed Salah វិញ កំពុងសម្រាកព្យាបាលមេរោគកូវីដ១៩នៅអេហ្សីប៕
ប្រភព៖ Goal