ខ្សែប្រយុទ្ធ Mohamed Salah នឹងអាចត្រលប់មកជួយ Liverpool បានវិញ ប្រសិនបើរូបគេតេស្ដអវិជ្ជមានកូវីដ១៩ នៅថ្ងៃព្រហស្បតិ៍ខាងមុខនេះ។Salah កំពុងនៅដោយឡែកនិងព្យាបាលមេរោគកូវិដ១៩ នៅប្រទេសអេហ្សីបជាទឹកដីកំណើតរបស់ខ្លួន ក្រោយពីរកឃើញថាឆ្លងមេរោគកាលពីថ្ងៃសុក្រសប្ដាហ៍មុន។
យ៉ាងណាមិញរូបគេនឹងធ្វើតេស្ដម្ដងទៀតនៅថ្ងៃព្រហស្បតិ៍ខាងមុខនេះ ហើយប្រសិនបើរូបគេតេស្ដលទ្ធផលចេញមកអវិជ្ជមាន នោះនឹងអាចត្រលប់មកអង់គ្លេសវិញបានភ្លាមតែម្ដង។
Liverpool នឹងត្រូវប៉ះក្រុម Leicester City នាចុងសប្ដាហ៍នេះ ហើយក៏ត្រូវការវត្តមានខ្សែប្រយុទ្ធខាងលើខ្លាំងផងដែរ ក្នុងការរកគ្រាប់បាល់។ ស្របពេលដែលក្រុមទាំងមូលបច្ចុប្បន្ននេះក៏មានកីឡាកររបួសច្រើនណាស់ដែរ៕
ប្រភព៖ DailyMail