Alex Telles ជា​សះស្បើយ​ពី COVID-19 ហើយ​អាច​ចូលរួម​ជួយ United ​ប្រកួត​ចុង​សប្តាហ៍​នេះ​បាន

Alex Telles ដែល​តេស្ត​ឃើញ​វិជ្ជមាន​ COVID-19 កាល​ពី​ប៉ុន្មាន​សប្តាហ៍​មុន ទី​បំផុត​បាន​តេស្ត​ឃើញ​លទ្ធផល​អវិជ្ជមាន ជា​សះស្បើយ​ពី​ជំងឺ​ដ៏​កាច​សា ហាវ​នោះ​វិញ​ហើយ​នៅ​ថ្ងៃ​ទី ១៧ ​វិច្ឆិកា ឆ្នាំ ២០២០ នេះ។

ខ្សែ​ការពារ​ស្លាប​វ័យ ២៧ ឆ្នាំ នឹង​អាច​វិល​មក​ចូលរួម​ជួយ United នៅ​ប្រកួត​ពេល​ប៉ះ West Brom នា​ចុង​សប្តាហ៍​ខាង​មុខ​នេះ​វិញ​បាន ហើយ​សម្រាប់​ការ​លេង​ឲ្យ​ជម្រើស​ជាតិ​ប្រេស៊ីល គេ​ក៏​អាច​ចូលរួម​លេង​ពេល​ប៉ះ​អ៊ុយរុយហ្គាយ​នៅ​ព្រឹក​ស្អែក​នេះ​ផង​ដែរ។

បញ្ជាក់​ថា Telles បាន​ផ្ទេរ​ចេញ​ពី Porto មក​ចូលរួម​នៅ United កាល​ពី​ថ្ងៃ​ទី ៥ ​តុលា ឆ្នាំ ២០២០ ជាមួយ​តម្លៃ​ខ្លួន ១៥ លាន​អឺរ៉ូ។

គេ​ទើប​តែ​បាន​ចូលរួម​លេង​ឲ្យ United ១ លើក​តែ​ប៉ុណ្ណោះ កំឡុង​ការ​ប្រកួត UEFA Champions League កាល​ពី​ប៉ុន្មាន​សប្តាហ៍​មុន ដោយ​ឈរ​ជើង​លើ​ទីលាន ៦៧ នាទី​ក្រោម​ការ​ដឹកនាំ​របស់​លោក Ole Gunnar Solskjaer៕ ប្រភព៖ Metro

ភ្ជាប់ទំនាក់ទំនងជាមួយ CTS SPORT