ស្ថានភាពរបស់ Paul Pogba នៅក្លឹប Manchester United កាន់តែដុនដាបទៅ បន្ទាប់ពីនៅតំបន់បម្រើមាន Bruno Fernandes ជំនួសនាមក្លាយជាតួឯកសំខាន់នៅទីនោះ។
ផ្សាភ្ជាប់នឹងរឿងរ៉ាវនេះ បើតាមការយល់ឃើញរបស់អតីតកីឡាករជើងចាស់នៅក្លឹប Juventus គឺលោក Claudio Marchisio បានបង្ហាញការយល់ឃើញថា កីឡាករបារាំងគួរតែវិលត្រលប់មកកាន់ទ្រនំនៅទីក្រុង Turin វិញប្រសិនចង់រីករាយចិត្តសារជាថ្មី។
ខ្សែបម្រើវ័យ ២៧ ឆ្នាំធ្លាប់ចាយពេល ៤ ឆ្នាំនៅសេះបង្កង់មុនផ្ទេរចេញទៅបិសាចក្រហមនៅឆ្នាំ ២០១៦។ កុងត្រាបច្ចុប្បន្នរបស់គេមានសុពលភាពដល់ឆ្នាំ ២០២២ ប៉ុន្តែនៅរយៈពេលចុងក្រោយគេមិនសូវបានលេងជាប់លាប់ទាល់តែសោះ។
ជាសារទទូចយ៉ាងខ្លីមួយនៅលើបណ្តាញសង្កម Marchisio និយាយថា៖ “សូមចិត្តណា Paul Pogba សូមមកចូលរួមនៅ Juventus វិញមក អ្នកនឹងរីករាយសារជាថ្មី ហើយខ្ញុំក៏បានរីករាយដូចគ្នាដែរ”៕
ប្រភព៖ Goal