ខ្សែបម្រើ Paul Pogba បានបញ្ជាក់ថារដូវកាលនេះ ជារដូវកាលអាក្រក់បំផុតរបស់ខ្លួន ក្រោយពីមិនសូវមានឱកាសលេងឱ្យ Manchester United និងមានរឿងមិនល្អកើតឡើងច្រើន។
Pogba កំពុងបង្ហាញទម្រង់លេងនិងមានឱកាសក្នុងជម្រើសជាតិបារាំង ប៉ុន្ដែបើនៅក្រុមបិសាចក្រហម Manchester United វិញ នៅរដូវកាលនេះរូបគេមិនមានឱកាសច្រើនឡើយ។ ក្រោមការដឹកនាំរបស់លោក Ole គឺ Pogba ភាគច្រើនមានឱកាសប្ដូរចូលលេងប៉ុណ្ណោះ ហើយក៏មានរឿងមិនល្អកើតឡើងច្រើនដែរ។ កន្លងមក អតីតកីឡាករ Juventus រូបនេះ ធ្លាប់អះអាងថារូបគេចង់ទៅលេងឱ្យក្រុម Real Madrid ថែមទៀតផង។
សាមីខ្លួន Pogba បាននិយាយថា៖ “នេះជារដូវកាលពិបាកណាស់សម្រាប់ខ្ញុំ។ នៅជម្រើសជាតិបារាំង យើងមានពេលវេលាល្អ ក្រុមទាំងមូលធ្វើបានល្អ។ យើងនឹងប្រឹងប្រែងបន្ដទៀត ដើម្បីបញ្ចប់រដូវកាលនេះជាមួយលទ្ធផលល្អបំផុតមួយ”៕
ប្រភព៖ DailyMail