អតីតកីឡាករបានចូលនិវត្ត Antonio Cassano បានបង្ហាញការរិះគន់ចំៗទៅលើចំណាត់ការរបស់ក្លឹប Barcelona ជុំវិញការលក់ Luis Suarez ចោល កាលពីទីផ្សារដោះដូររដូវក្តៅឆ្នាំ ២០២០ នេះ។
Suarez ត្រូវបានលោក Ronald Koeman ប្រាប់ថា លែងស្ថិតក្នុងតម្រូវការក្រោយអ្នកចាត់ការសញ្ជាតិហូឡង់ឡើងកាន់តំណែងថ្មីបានប៉ុន្មានថ្ងៃ។
ប្រាប់នៅលើ Instagram លោក Cassano និយាយ៖ “ពួកគេនិយាយថា Suarez រាងវ័យជ្រេហើយពេលចាកចេញពី Barcelona ដែលវាជារឿងដ៏គួរឲ្យខឹងសម្បាមួយផ្សេងទៀត”។
លោកបន្ថែម៖ “គេរកបាន ៣៥០ គ្រាប់នៅរយៈពេល ៦ ឆ្នាំ ហើយខ្ញុំមិនយល់ទេថាហេតុអ្វីក្លឹបទៅដកគេចេញ ដោយបែរទៅជាដាក់ Griezmann ឲ្យលេងជំនួសវិញ”។
បញ្ជាក់ថា ស្ថានភាពរបស់ Barcelona ពេលនេះមិនសូវអំណោយផលនោះទេ ដោយ ៧ ជុំដំបូងឈរចំណាត់ថ្នាក់ទី ៨ ក្រោយឈ្នះ ៣ ស្មើ ២ ចាញ់ ២ មាន ១១ ពិន្ទុ ធៀបនឹង Atletico ក្រុមដែលទទួលបាន Suarez ឈរនៅលេខ ៣ ឯណោះ៕