Gareth Bale ហាក់កំពុងទទួលបានភាពកក់ក្តៅជាមួយវិស័យកីឡាបាល់ទាត់សារជាថ្មី និងបានបំពេញកាតព្វកិច្ចយ៉ាងល្អសម្រាប់ការជួយក្រុមជម្រើសជាតិវែលយកឈ្នះទៅលើអៀរឡង់កាលពីយប់មិញ។
ត្បិតបើមិនមែនជាអ្នករកគ្រាប់បាល់ តែទម្រង់លេងរបស់ស្លាបប្រយុទ្ធ Tottenham ធ្វើបានលើសពីការរំពឹងទុក ដល់ថ្នាក់គ្រូបណ្តោះអាសន្នលោក Robert Page លាន់មាត់សរសើរមិនដាច់ពាក្យ។
ប្រាប់ក្រោយចង់ការប្រកួត លោក Robert និយាយ៖ “ខណៈពេលនេះ Bale ជាមនុស្សមួយផ្សេងទៀត ដោយមើលទៅគេដូចជាមនុស្សស្រលាញ់បាល់ទាត់សារជាថ្មីអ៊ីចឹង ព្រោះគេបានទៅចូលរួមនៅក្លឹបដែលអ្នកចាត់ការត្រូវការគេ ហើយគេរីករាយជាមួយការហ្វឹកហាត់ និងការឈរជើងលើទីលាន”។
បញ្ជាក់ថា វែលកំពុងក្តោបក្តាប់ឱកាសប្រជែងដណ្តើមយកឈ្មោះ Promote ទៅកាន់ League A នៅ UEFA Nations Leagueស្របពេលដែលកម្រិតពិន្ទុវែលនាំមុខ ១ ពិន្ទុទៅលើហ្វាំងឡង់៕
ប្រភព៖ BeSoccer