• (វីដេអូ) ចាញ់​យប់មិញ អង់គ្លេស​អស់​ឱកាស​ឡើង​ទៅ​វគ្គ ៤ ក្រុម​ចុង​ក្រោយ Nations League ហើយ

    ក្រុម​ជម្រើស​ជាតិ​អង់គ្លេស​បាន​បរាជ័យ​ក្រោម​ថ្វី​ជើង​របស់​បែលហ្សិក​ក្នុង​លទ្ធផល ០-២ នៅ​ជុំ​ទី ៥ ​វគ្គ​ចែក​ពូល ក្នុង​ពូល B សម្រាប់​ព្រឹត្តិការណ៍ UEFA Nations League កាល​ពី​យប់​មិញ។

    ការ​ខកខាន​យក ៣ ពិន្ទុ​បាន​កំណត់​ឲ្យ​អង់គ្លេស​ត្រូវ​បាត់បង់​ឱកាស​ទាំង​ស្រុង​ក្នុង​ការ​ឡើង​ទៅ​កាន់​វគ្គ ៤ ក្រុម​ចុង​ក្រោយ ហើយ​បន្សល់​ក្តី​សង្ឃឹម​សម្រាប់​ក្រុម​ជម្រើស​ជាតិ​បែលហ្សិក ក៏​ដូច​ជា​ដាណឺម៉ាក​ដែល​ឈរ​ចំណាត់ថ្នាក់​កំពូល។ ចំពោះ​ការ​ប្រកួត​នោះ អ្នក​រក​បាន​គ្រាប់​បាល់​គឺ​ Youri Tielemans នៅ​នាទី ១០ និង Dries Mertens នៅ​នាទី ២៣។

    ទស្សនា​វីដេអូ​ខាង​ក្រោម៖

    នៅ​ជុំ​បន្ទាប់​អង់គ្លេស​នឹង​ត្រូវ​ជួប​អ៊ីស្លង់ ខណៈ​បែលហ្សិក​ត្រូវ​តតាំង​ដាណឺម៉ាក ប្រសិន​បែលហ្សិក​ឈ្នះ​ឬ​ស្មើ ពួក​គេ​ត្រូវ​សម្រេច​បាន​កៅអី​ឆ្ពោះ​ទៅ​កាន់​វគ្គ​បន្ទាប់ ដែល​បច្ចុប្បន្ន​មាន​បារាំង​កក់​មួយ​កៅអី​នៅ​ទី​នោះ៕

    ភ្ជាប់ទំនាក់ទំនងជាមួយ CTS SPORT