អតីតអ្នកចាំទីដៃឯកនៅក្លឹប Real Madrid គឺ Iker Casillas បាននិយាយកាលពីពេលកន្លងទៅនេះ ជុំវិញអ្នកចាំទីល្អបំផុតនៅពេលបច្ចុប្បន្ន និងបង្ហើបពីចំណុចរសើបខ្លះៗពាក់ព័ន្ធនឹងការដែលចង់ក្លាយជាគ្រូបង្វឹកបាល់ទាត់។
Casillas កន្លងមកមានជំងឺបេះដូង តែបានទទួលជីវិតស្រស់បំព្រងសារជាថ្មី ក្រោយឆ្លងកាត់ការវះកាត់ដោយជោគជ័យ។
និយាយកាលពីពេលកន្លងទៅ លោកប្រាប់ថា៖ “ខ្ញុំគិតថា Ter Stegen, Oblak គឺពិតជាសំខាន់សម្រាប់ក្លឹបរបស់ពួកគេ ហើយមួយទៀត Courtois កំពុងដើរតួជាអ្នកចាំទីដែលពួកយើងចង់បាននៅក្លឹប Real Madrid ខ្ញុំសូមដាក់ឈ្មោះអ្នកទាំងបី នៅលើគេបង្អស់”។
បន្តដល់រឿងចង់ក្លាយជាគ្រូបង្វឹក លោក Casillas បន្ត៖ “[ប្រសិនក្លាយជាអ្នកចាត់ការ] ខ្ញុំគិតថាការដឹកនាំខ្ញុំគឺមានចក្ខុវិស័យដូចទៅនឹង Zidane, Del Bosque ឬ Ancelotti បើទោះបីជាអាកប្បកិរិយារបស់ខ្ញុំនៅលើទីលានរាងខុសប្លែកពីនេះបន្តិចក៏ដោយ”៕
ប្រភព៖ AF