បើតាមរបាយការណ៍ពី The Sun បានចុះផ្សាយថា អ្នកចាត់ការលោក Carlo Ancelotti កំពុងសម្លឹងមើលឱកាសល្អក្នុងការនាំយក ខ្សែប្រយុទ្ធ Arkadiusz Milik ពីក្លឹប Napoli នៅទីផ្សារដោះដូររដូវរងានាខែមករាខាងមុខ។
Milik គេត្រូវផុតកុងត្រាជាមួយក្លឹបនៅ Serie A នាបញ្ចប់រដូវកាល ២០២០/២១ ហើយ ខណៈដែលការលេងនៅ Napoli គេមិនទទួលបានឱកាសបង្ហាញខ្លួនពេញជើងទាល់តែសោះ ប៉ុន្តែតាមរយៈការអង្កេតមើលពី Ancelotti នៅតែគិតថា ខ្សែប្រយុទ្ធខាងលើអាចមានគុណភាពក្នុងការជួយ Everton បាន។
កីឡាករប៉ូឡូញបានចូលរួមលេងឲ្យ Napoli ចំនួន ១២២ ប្រកួត កន្លងមក ដោយរកបាន ៤៨ គ្រាប់និង Assist ៥ លើក។ ប្រសិន Napoli មិនអើពើរឿងបន្តកុងត្រាថ្មីទេ នោះ Ancelotti ទំនងនឹងអាចយក Milik បានដោយឥតតម្លៃខ្លួន ហើយចរចាលក្ខណៈ Pre Contract នៅខែមករាខាងមុខ៕
ប្រភព៖ Goal