ខ្សែការពាររបស់ក្រុមជម្រើសជាតិអេស្ប៉ាញគឺ Sergio Ramos កាលពីយប់មិញ បានខកខានឱកាសស៊ុតប៉េណាល់ទីដល់ទៅ ២ លើក ដែលត្រឹមឲ្យក្រុមស្មើ ១-២ ទល់ក្រុមជម្រើសជាតិស្វីសនៅការប្រកួត UEFA Nations League។
យ៉ាងណាមិញប្រធានក្រុមខាងលើ ក៏នៅតែបានបំបែកកំណត់ត្រាមួយដដែល នោះគឺការបង្ហាញខ្លួនឲ្យជម្រើសជាតិច្រើនបំផុតសម្រាប់កីឡាករលេងនៅតំបន់អឺរ៉ុប។ ដោយកាលពីយប់មិញគឺជាការបង្ហាញខ្លួនលើកទី ១៧៧ ហើយសម្រាប់ Ramos ឲ្យក្រុមគោជល់អេស្ប៉ាញ។
នេះបាននាំមុខកំណត់ត្រារបស់អ្នកចាំទីវ័យចំណាស់អ៊ីតាលី Gianluigi Buffon ដែលបង្ហាញខ្លួនឲ្យជម្រើសជាតិរបស់គេបាន ១៧៦ ប្រកួត។
បញ្ជាក់ថា Ramos បានចាប់ផ្តើមបង្ហាញខ្លួនឲ្យជម្រើសជាតិចាប់តាំងពីឆ្នាំ ២០០៥។ ជារឿងចៃដន្យមួយដែរ ដោយ Ramos បានលេងតទល់អ៊ីតាលីច្រើនលើកបង្អស់ធៀបនឹងក្រុមដទៃពោលគឺដល់ទៅ ១០ លើកឯណោះ ហើយធ្លាប់យកឈ្នះ ៤ លើក និងចាញ់ ១ លើកពេលតតាំង Buffon៕
ប្រភព៖ BeSoccer