ក្រុម Real Madrid ត្រូវបានគេដឹងថាកំពុងរៀបចំកញ្ចប់ទឹកប្រាក់ជាង១០០លានផោន ដើម្បីទិញយកខ្សែប្រយុទ្ធ Kylian Mbappe មករួមក្រុមឱ្យបាននៅរដូវកាលក្រោយនេះ។
ក្រុម PSG ក៏មានទំនុកចិត្តនិងចង់បន្ដកុងត្រាថ្មីឱ្យកីឡាករបារាំងរូបនេះដែរ ប៉ុន្តែប្រសិនបើពួកគេមិនអាចធ្វើបានល្អនៅក្របខណ្ឌ UEFA Champions League បានទេ នោះអាចនឹងពិបាកក្នុងការរក្សាកីឡាកររបស់ខ្លួនហើយ។ Mbappe នេះ ត្រូវបានលោក Zidane អ្នកចាត់ការក្រុម Real Madrid ចង់បានជាយូរមកហើយដែរ ប៉ុន្តែដោយសារតម្លៃខ្ពស់ពេក ព្រោះនៅកុងត្រាច្រើនឆ្នាំទើបពួកគេមិនអាចយកបាន។
នៅរដូវកាលក្រោយ បើសិន PSG មិនអាចបន្ដកុងត្រាថ្មីបានទេ នោះ Real Madrid ជាក្រុមមានភាគរយខ្ពស់ក្នុងការទិញយកមិនខាន ព្រោះកុងត្រាសល់ខ្លីហើយតម្លៃខ្លួនក៏ធ្លាក់មកទាបផងដែរ។ ក្រុម Real Madrid បានព្យាករណ៍ថាតម្លៃខ្លួនរបស់កីឡាករវ័យ២១ឆ្នាំនេះអាចនឹងត្រឹម១៦១លានផោន៕
ប្រភព៖ DailyMail