លោក Jose Mourinho ត្រូវបាន UEFA ពិន័យ១ប្រកួតមិនឱ្យឈរដឹកនាំក្រុមនោះទេ នៅព្រឹត្តិការណ៍ Europa League ព្រោះកាលប្រកួតទល់ក្រុម Royal គឺលោកយឺតយ៉ាងក្នុងការចូលប្រកួតពេក។
ការប្រកួតនោះធ្វើឡើងតាំងពីខែតុលាថ្ងៃទី២៩មកម្ល៉េះ។ នៅគ្រានោះ Spurs ចេញមកប្រកួតយឺតយ៉ាវដែលធ្វើឱ្យដៃគូត្រូវរង់ចាំ ហើយខាង UEFA ក៏សម្រេចចិត្តពិន័យតែម្ដង។ ជាលទ្ធផលឃើញថាលោក Jose នឹងត្រូវពិន័យ១ប្រកួត ស្របពេលក្រុម Spurs វិញក៏ត្រូវពិន័យជាប្រាក់២៥ ០០០អឺរ៉ូផងដែរ។
រំលឹកថាប្រកួតនោះក្រុម Spurs បានបរាជ័យក្នុងលទ្ធផល ១-០ ដែលជារឿងគួរឱ្យភ្ញាក់ផ្អើលមែនទែនសម្រាប់អ្នកគាំទ្រ។ ដោយក្នុងការប្រកួតនោះ លោក Jose បានដាក់កីឡាករមិនសូវបានលេងចូលលេងនៅតង់ទី១ ហើយក៏សម្រេចប្ដូរដាក់ជម្រើសដំបូងវិញនៅតង់ទី២ ប៉ុន្តែវាមិនអាចជួយកែប្រែលទ្ធផលបានឡើយ៕
ប្រភព៖ DailyMail