ខ្សែប្រយុទ្ធ Kai Havertz ថាខ្លួនមិនចង់និយាយពីក្រុមដទៃទៀតទេ ព្រោះពេលនេះគឺប្រឹងយ៉ាងណាជួយក្រុមតោខៀវ Chelsea ឱ្យបានឈ្នះពានរង្វាន់ណាមួយសិន។
កីឡាករវ័យក្មេងរបស់អាល្លឺម៉ង់ខាងលើនេះបានផ្ទេរមកលេងនៅក្រុម Chelsea កាលពីរដូវកាលមុននិងកំពុងបង្ហាញទម្រង់លេងល្អកាលពីប៉ុន្មានប្រកួតកន្លងមកផងដែរ។ អតីតកីឡាករ Leverkusen រូបនេះ ក៏មានដំណឹងថាជាបេក្ខភាពមួយរូបដែលក្រុម Real Madrid ចាប់អារម្មណ៍ផងដែរ តែដោយសារមេរោគកូវីដ១៩ ទើបពួកគេបោះបង់គំនិតទិញយកនេះទៅ។
សម្រាប់សាមីខ្លួនវិញ នៅពេលនេះក៏ចេញមកបញ្ជាក់ច្បាស់ថាខ្លួនមិនចង់ទៅណាឬនិយាយពីក្លឹបដទៃទៀតឡើយ។ រឿងសំខាន់បំផុតគឺប្រឹងប្រែងជួយក្រុមតោខៀវឱ្យទទួលបានលទ្ធផលល្អ ឈ្នះពានរង្វាន់ឱ្យបាននារដូវកាលនេះ ព្រោះវាជាគោលដៅរបស់ក្រុម៕ប្រភព Marca