ខ្សែប្រយុទ្ធ Marcos Rashford មិនអាចជួយក្រុមជម្រើសជាតិអង់គ្លេសបានទេសម្រាប់ការប្រកួតខាងមុខនេះ ដោយសារតែរូបគេមានបញ្ហារបួសស្មាមិនអាចចូលលេងបាន។
ក្រុមអង់គ្លេសលេងប្រកួតមិត្តភាពនៅយប់មិញនេះ បានយកឈ្នះលើក្រុមសាធារណរដ្ឋអៀរឡង់ក្នុងលទ្ធផល ៣-០ ។ នេះជាលទ្ធផលល្អមួយសម្រាប់ក្រុម ខណៈដែលពួកគេក៏ត្រូវត្រៀមខ្លួនបន្ដក្នុងការប្រកួតផ្លូវការខាងមុខនេះផងដែរ។ តែទន្ទឹមនឹងនោះ ក្រុមរបស់លោក Gareth Southgate នឹងអវត្តមានកីឡាករ២នាក់ទៀតហើយ គឺ Conor Coady និង Marcus Rashford បន្ថែមពីលើខ្សែការពារ Gomez ។
យ៉ាងណាមិញ សម្រាប់ក្រុមអង់គ្លេសនាពេលបច្ចុប្បន្ននេះឃើញថាមានកីឡាករពេញជើងនិងអាចជំនួសតំណែងគ្នាបានយ៉ាងល្អ។ ជាក់ស្ដែង Grealish របស់ក្រុម Aston Villa កំពុងឡើងជើងខ្លាំងមែនទែន ដែលត្រូវបានអ្នកវិភាគជាច្រើនយល់ថារូបគេនឹងអាចរក្សាកៅអីជម្រើស១១នាក់ដំបូងបានមិនខាន៕ប្រភព Dailymail