ក្លឹបហង្សក្រហម Liverpool ត្រូវបានគេរាយការណ៍ថា កំពុងរៀបចំដាក់សំណើ ៣៦ លានផោន លើការចង់បានខ្សែការពាររបស់ក្លឹប Real Madrid នោះគឺកីឡាករ Eder Militao។
ក្លឹបស្ថិតនៅតំបន់ Merseyside កំពុងជួបបញ្ហាយ៉ាងធ្ងន់ធ្ងរនៅប្រព័ន្ធការពារក្រោយ បន្ទាប់ពី Arnold, Van Dijk និង Gomez ដែលសុទ្ធជាកីឡាករសំខាន់រងរបួសបន្តកន្ទុយគ្នា ហើយរំពឹងសម្រាកព្យាបាលរយៈពេលយូរដូចៗគ្នាទៀត។
ក្រុមរបស់លោក Jurgen Klopp ហាក់មើលឃើញថា គុណភាពលេងរបស់ Militao អាចសក្តិសមមកលេងនៅទឹកដី Anfield បាន ណាមួយគេក៏បង្ហាញទម្រង់លេងល្អឲ្យ Madrid តាំងពីផ្ទេរចេញពី Porto នៅខែកក្កដា ឆ្នាំទៅមកម្ល៉េះ។
យ៉ាងណាមិញយើងនឹងរង់ចាំអុតមើលនៅទីផ្សារដោះដូរខែមករា ឆ្នាំ ២០២១ ថាក្រុមរបស់លោក Zinedine Zidane ព្រមបើកផ្លូវឲ្យកីឡាករប្រេស៊ីលចាកចេញឬបែបណា? ប្រភព៖ Sportsmole