ស្កុតឡែន មានឱកាសលេងឡើងទៅលេងពានរង្វាន់ Euro វិញហើយ ក្រោយពីពួកគេយកឈ្នះលើក្រុមសែបក្នុងលទ្ធផលប៉េណាល់ទី ៥-៤ ក្រោយស្មើគ្នា ១-១ នៅម៉ោងលេង។
ស្កុតឡែន បានបើកការនាំមុខមុនតាំងពីនាទី៥២ ដោយ Christie ហើយនៅជិតចប់ការប្រកួតទៅហើយនោះ ស្រាប់តែ Luka Jovic របស់ក្រុមសែប អាចរកបានគ្រាប់បាល់តាមស្មើវិញក្នុងលទ្ធផល ១-១។ ការលេងស្មើគ្នានេះហើយ ទើបតម្រូវឱ្យពួកគេត្រូវកាត់សេចក្ដីយកក្រុមឈ្នះចាញ់ ដោយការទាត់ប៉េណាទីវិញម្ដង។ នៅវគ្គនេះ ស្កុតឡែននៅតែធ្វើបានល្អដដែល ដោយសម្រេចបានទាំង៥គ្រាប់ ខណៈដែលសែបទាត់គ្រាប់ទី៥មិនចូលនោះទេ។
នេះជាការឡើងទៅលេងពានរង្វាន់ធំជាលើកដំបូងសម្រាប់ក្រុមស្កុតឡែនតាំងពីឆ្នាំ១៩៩៨មក ពោលគឺរយៈពេល២២ឆ្នាំហើយដែលពួកគេខកខានឱកាស។ នៅវគ្គសន្សំពិន្ទុ Euro នេះ ក្រុមស្កុតឡែននៅជាមួយក្រុមអង់គ្លេស ក្រូអាត និងឆែក៕ប្រភព Dailymail