ក្រុមជម្រើសជាតិអេហ្សីបនឹងត្រូវបើកការប្រកួតទល់ក្រុមតូហ្គោនៅវេលាម៉ោង ០២:០០ នាទីព្រឹកថ្ងៃទី ១៥ វិច្ឆិកា ឆ្នាំ ២០២០ ដែលជាជំនួបវគ្គជម្រុះពាន Africa Cup of Nations។
អ្វីដែលគ្រប់គ្នាកំពុងអុតមើល គឺការលេងរបស់ខ្សែប្រយុទ្ធ Mohamed Salah ដែលគេអាចមានឱកាសរំកិលឡើងលេខ ២ នាមជាកីឡាកររកបានគ្រាប់បាល់ច្រើនបំផុតឲ្យក្រុមជម្រើសជាតិអេហ្សីប។
បច្ចុប្បន្ន Salah មាន ៤៣ គ្រាប់ក្នុងដៃ ហើយប្រសិនពេលប៉ះតូហ្គោនៅចុងសប្តាហ៍គេរកបានមួយគ្រាប់ នោះនឹងរំកិលស្មើឈ្មោះរបស់ជើងចាស់លោក Al-Shazly ដែលមាន ៤៤ គ្រាប់ ហើយត្រូវការច្រើនគ្រាប់ទៀតដើម្បីបំបែកកំណត់ត្រារបស់អ្នកឈរលេខរៀងទី ១ គឺលោក Hossam Hassan ដែលរកបាន ៧៦ គ្រាប់។
បញ្ជាក់ថា Salah បានបង្ហាញខ្លួនឲ្យជម្រើសជាតិជាលើកដំបូងនៅខែកញ្ញា ឆ្នាំ ២០១១ ដោយកាលនោះពេលប៉ះក្រុមជម្រើសជាតិ សៀរ៉ាឡេអូន រកបានមួយគ្រាប់ជួយក្រុមយកឈ្នះ ៣-០៕
ប្រភព៖ AF