ប្រធានក្រុមជម្រើសជាតិក្រូអាត កីឡាករ Domagoj Vida បានចូលលេងជាមួយក្រុមទួរគីមួយតង់ទៅហើយ ទើបដឹងខ្លួនថាមានផ្ទុកមេរោគកូវីដ១៩ នៅយប់មិញនេះ។ក្រុមជម្រើសជាតិក្រូអាតបានធ្វើតេស្ដមេរោគកូវីដ១៩កាលពីដើមសប្ដាហ៍កន្លងទៅនេះ ហើយលទ្ធផលចេញមកមិនមានអ្នកឆ្លងនោះទេ។
ការធ្វើតេស្ដម្ដងទៀតបានធ្វើឡើងនៅមុនការប្រកួត ហើយរហូតដល់ការប្រកួតចាប់ផ្ដើមបានមួយតង់ទៅហើយ ទើបលទ្ធផលបានចេញមកជាផ្លូវការ។ខ្សែការពារ Domagoj Vida ដែលជាប្រធានក្រុមជម្រើសជាតិក្រូអាតមានផ្ទុកមេរោគកូវីដ១៩។ ក្រោយពីទទួលបានលទ្ធផលនេះហើយទើបរូបគេតម្រូវឱ្យនៅដោយឡែកពីសមាជិកក្រុមដទៃទៀត និងមិនអាចចូលលេងសម្រាប់តង់ទី២បានឡើយ។
លទ្ធផលនៃការប្រកួតនោះ ក្រូអាតស្មើជាមួយក្រុមទួរគីក្នុងលទ្ធផល ៣-៣។ កីឡាករទាំងអស់ក្រោយពីចប់ការប្រកួតនឹងតម្រូវឱ្យធ្វើតេស្ដមេរោគកូវីដ១៩ទៀត៕
ប្រភព៖ DailyMail