• មិន​គួរ​ឱ្យ​ជឿ បារាំង​លេង​ចាញ់​ហ្វាំងឡង ​២-០ ​ក្នុង​ការ​ប្រកួត​យប់មិញ​

    ជា​រឿង​មិន​គួរ​ឱ្យ​ជឿ​មួយ​ដែល​ក្រុម​បាល់ទាត់​ជម្រើស​ជាតិ​បារាំង ​លេង​ចាញ់​ក្រុម​ហ្វាំងឡង់​ក្នុង​លទ្ធផល​ដល់​ទៅ​ ២-០ ​ឯ​ណោះ​នា​ប្រកួត​មិត្តភាព​នៅ​យប់មិញ។

    ​សម្រាប់​ការ​ប្រកួត​នេះ ​ក្រុម​ជម្រើស​ជាតិ​បារាំង​បាន​ដាក់​កីឡាករ​បម្រុង​ច្រើន​ឱ្យ​ចូល​លេង​នៅ​តង់​ទី​១ ​ហើយ​ប្ដូរ​ចូល​កីឡាករ​ពេញ​ជើង​វិញ​សម្រាប់​តង់​ទី​២។ តែ​គួរ​ឱ្យ​ស្ដាយ ​លទ្ធផល​មិន​មាន​អ្វី​ប្រែប្រួល​បាន​ឡើយ ពោល​គឺ​ក្រុម​ហ្វាំងឡង់​ជា​អ្នក​ទទួល​បាន​ជ័យជម្នះ​ក្នុង​លទ្ធផល ២-០ ​ដដែល ​ដោយ​២​គ្រាប់​នោះ​ធ្វើ​បាន​នៅ​នាទី​២៨ ដោយ​ Forss ​និង Valakari ​នៅ​នាទី​៣១។

    ​រំលឹក​ថា​បារាំង​ជា​ក្រុម​ជើង​ឯក World Cup 2018 ​និង​លេង​កម្រ​ចាញ់​ខ្លាំង​ណាស់ ​ដោយ​ឡែក​សម្រាប់​ក្រុម​ហ្វាំងឡង់​វិញ ​នៅ​លេខ​រៀង​ទី​៥៥​ឯ​ណោះ​ក្នុង FIFA Ranking ​៕

    ប្រភព៖ DailyMail

    ភ្ជាប់ទំនាក់ទំនងជាមួយ CTS SPORT