ក្រុមបាល់ទាត់ជម្រើសជាតិព័រទុយហ្គាល់បានយកឈ្នះលើក្រុមអង់ដូរ៉ា ក្នុងលទ្ធផល ៧-០ ឯណោះនាការប្រកួតមិត្តភាពនៅយប់មិញនេះ។
ក្នុងចំណោម៧គ្រាប់នៅយប់មិញនេះ ក៏មានចំណែករបស់កីឡាករ Cristiano Ronaldo មួយគ្រាប់ក្នុងនោះផងដែរ។ ដោយការរកបាន១គ្រាប់បន្ថែមទៀតនេះ បានធ្វើឱ្យរូបគេរកបានដល់ទៅ១០២គ្រាប់ហើយក្នុងការប្រកួតឱ្យក្រុមជម្រើសជាតិ។
នេះជាចំនួនមួយកាន់តែកៀកក្នុងការបំបែកកំណត់ត្រាកីឡាកររកគ្រាប់បាល់បានច្រើនជាងគេឱ្យជម្រើសជាតិហើយ ដោយអ្នកកាន់ចាស់មានចំនួន១០៩គ្រាប់។ខ្សែប្រយុទ្ធវ័យ៣៥ឆ្នាំខាងលើនេះ នៅមានឱកាសច្រើនទៀតក្នុងការប្រកួត ត្បិតអីរូបគេបានបញ្ជាក់ថានឹងបន្ដវត្តមានលេងរហូតដល់ព្រឹត្តិការណ៍ World Cup 2022 ឯណោះ៕
ប្រភព៖ DailyMail