ខ្សែបម្រើឆ្នើម Thiago Alcantara ដែលសម្រាកព្យាបាលរបួសប៉ុន្មានសប្តាហ៍មកហើយនោះ រំពឹងនឹងអាចជាសះស្បើយទាន់ពេល ដើម្បីវិលមកជួយក្រុមតតាំង Leicester City នៅក្របខ័ណ្ឌ Premier League។
ឆ្លងកាត់ International Break រយៈពេលជាង ១០ ថ្ងៃខាងមុខហើយ ក្រុមដឹកនាំដោយលោក Jurgen Klopp នឹងត្រូវបើកកីឡដ្ឋាន Anfield ស្វាគមន៍ក្លឹប Leicester City ដែលជាក្រុមកំពុងឡើងកូដនិងឈរលេខ ១ នៅក្នុងតារាង នាថ្ងៃសោរ៍ ទី ២១ វេលាម៉ោង ១០:០០ នាទីយប់មានផ្សាយផ្ទាល់លើទំព័រ CTS Sports។
តាមរបាយការណ៍ពី The Daily Mirror បានចុះផ្សាយថា Thiago នឹងជាសះស្បើយទាន់ពេលសម្រាប់ប្រកួតនោះ ដែលនេះក៏នឹងបន្ថែមគុណភាពលេងឲ្យក្រុមមួយកម្រិតផងដែរ ក្រោយដែលបានបាត់បង់សមាសភាពសំខាន់ជាច្រើនដូចជា Virgil van Dijk និង Alexander-Arnold នៅតំបន់ការពារខាងក្រោយ។
សម្រាប់ Arnold អាចនឹងខកខាន ៦ ប្រកួតបន្ទាប់ ហើយ Van Dijk ត្រូវវះកាត់ ACL ខកខានរយៈពេលយូរ អាចដល់បញ្ចប់រដូវកាល ២០២០/២១ នេះ៕ ប្រភព៖ Metro