Conor McGregor បានប្រកាសឡើងសង្វៀនប្រកួត MMA វិញហើយ ក្រោយពីប្រកាសចូលនិវត្តន៍កាលពីពេលកន្លងទៅនេះ។
ដំណឹងជាផ្លូវការ គឺ Conor នឹងត្រូវប្រកួតជាមួយ Dustin Poirier នៅថ្ងៃទី២៣ខែមករាឆ្នាំ២០២១ខាងមុខ។ ដោយការប្រកួតនេះគឺកើតមានឡើងក្រោយពីលោក Dana White ជាអ្នកចង់ឱ្យពួកគេទាំងពីរនាក់ប្រកួតគ្នានៅដើមឆ្នាំក្រោយតែម្ដង។ ដោយនេះជាការប្រកួតសងសឹកវិញ ពោលគឺនៅ UFC 178 ឆ្នាំ២០១៤កន្លងទៅ Conor បានយកឈ្នះលើ Poirier នៅត្រឹមទឹកទី១ប៉ុណ្ណោះ។
Conor McGregor បានដាក់គោលដៅថាបន្ទាប់ពីយកឈ្នះលើ Poirier នៅសង្វៀន UFC នៅដើមឆ្នាំ២០២១នេះហើយ រូបគេនឹងបន្ដការប្រកួតទៀត ដោយប៉ះជាមួយ Manny Pacquiao ក្នុងការប្រកួតប្រដាល់សកលវិញម្ដង៕ប្រភព Dailymail
