• កីឡាការនី​បាល់ទះ​ ៥ រូប ទឹក​ដៃ​ក៏​ខ្លាំង សម្រស់​ក៏​បាន​អាច​តារា​ម៉ូដែល​ល្មមៗ​សុំ​ខ្មាស!

    ដើម្បី​ក្លាយ​ជា​កីឡាការនី​បាល់ទះ​អាជីព ជា​ទូទៅ​ទាមទារ​ឲ្យ​នារីៗ​ទាំង​អស់​នោះ​មាន​កម្ពស់​ខ្ពស់ ​រាង​ស្គម អម​កាយសម្បទា​រឹងមាំ។ ប៉ុន្តែ​សម្រាប់​កីឡាការនី​នេះ ក្រៅ​ពី​មាន​ទេពកោសល្យ​ជាមួយ​វិស័យ​កីឡា​បាល់ទះ​ហើយ បើ​ក្រឡេក​ទៅ​មើល​សម្រស់​របស់​ពួក​នាង​ក៏​ស្រស់​ស្អាត​ខ្លាំង មិន​ចាញ់​តារា​ម៉ូដែល​អាជីព​នោះ​ឡើយ។

    ក្នុង​អត្ថបទ​នេះ ទំព័រ CTS Sports សូម​ធ្វើ​ការ​បង្ហាញ​ឲ្យ​ស្គាល់ នូវ​កីឡាការនី​បាល់ទះ​កំពូល​សម្រស់​ទាំង ៥ រូប​ដូច​ត​ទៅ៖

    ៥) Pungky Afriecia

    កីឡាការនី​ជនជាតិ​ឥណ្ឌូណេស៊ី​ សព្វថ្ងៃ​មាន​អាយុ ២៦ ឆ្នាំ​ហើយ ដោយ​កាល​ពី​ឆ្នាំ ២០១៥ នាង​ធ្លាប់​ជួយ​ឲ្យ​ក្រុម​បាល់ទះ Alko Bandung ឈ្នះ​ជើង​ឯក Indonesian Volleyball League ហើយ​ក្រៅ​ពី​ទេពកោសល្យ​ក្នុង​ការ​ប្រកួត នាង​ក៏​ត្រូវ​បាន​មហាជន​ជា​ច្រើន​ទទួល​ស្គាល់​ថា​មាន​រូបរាង​ស៊ិចស៊ី​និង​ស្រស់​ស្អាត​បំផុត​ផង​ដែរ។

    ៤) Alisa Manyonok


    កីឡាការនី​ជនជាតិ​រុស្ស៊ី កើត​នៅ​ថ្ងៃ​ទី ៥ ​មេសា ឆ្នាំ ១៩៩៥ ​ត្រូវ​បាន​អ្នក​គាំទ្រ​ហៅ​នាង​ថា​ជា Barbie លេង​បាល់ទះ នោះ​ក៏​ដោយសារ​តែ​រូបរាង​ដ៏​ស្រឡូន​និង​ទម្រង់​មុខ​ដូច​ជា​តុក្កតា​របស់​នាង។ ក្រៅ​ពី​អាជីព​ជា​កីឡាការនី​បាល់ទះ នាង​ក៏​ជា​តារា​ម៉ូដែល​អាជីព​មួយ​រូប​ផង​ដែរ។

    ៣) Saori Kimura


    ជា​កីឡាការនី​ជនជាតិ​ជប៉ុន ដែល​ធ្លាប់​ចូលរួម​ជួយ​ក្រុម​ជម្រើស​ជាតិ​បាល់ទះ​ផ្នែក​នារី នៅ​កីឡា​អូឡាំពិក​រដូវ​ក្តៅ ៤ សម័យ​កាល និង​ឈ្នះ​មេដាយ​សម្រិត​បាន ១ លើក។ ត្បិត​បើ​អាយុ​រាង​ជ្រេ ចូល​ជាង ៣០ ឆ្នាំ​ហើយ​ក្តី តែ Kimura នៅ​តែ​ត្រូវ​បាន​អ្នក​គាំទ្រ​ទទួល​ស្គាល់​ថា ជា​កីឡាការនី​ដែល​មាន​សម្រស់​ស្រស់​ស្អាត​មួយ​រូប​ដដែល។

    ២) Sabina Altynbekova

    Sabina កើត​នៅ​ក្នុង​ប្រទេស​កាហ្សាក់ស្ថាន សព្វថ្ងៃ​មាន​អាយុ ២៤ ឆ្នាំ​ និង​កំពុង​ឈរ​ឈ្មោះ​នៅ​សមាជិក​ក្រុម​បាល់ទះ​ផ្នែក​នារី​ប្រចាំ​ផ្ទៃ​ប្រទេស។

    ១) Jaqueline Carvalho


    ជា​សមាជិក​បាល់ទះ​ផ្នែក​នារី ដែល​ធ្លាប់​ជួយ​ឲ្យ​ក្រុម​ជម្រើស​ជាតិ​ប្រេស៊ីល​ឈ្នះ​មេដាយ​មាស​នៅ​កីឡា​អូឡាំពិក​ក្នុង​ទីក្រុង​ប៉េកាំង​នា​ឆ្នាំ ២០០៨ និង​ក្នុង​ទីក្រុង​ឡុង​នា​ឆ្នាំ ២០១២។ ដោយសារ​តែ​សម្រស់​ដ៏​ស្រស់​ស្អាត​របស់​នាង ​បើ​ទោះ​មាន​អាយុ ៣៦ ឆ្នាំ​ហើយ​ក្តី តែ​លើ​បណ្តាញ​សង្គម Instagram នាង​កើប​បាន Follower ជាង ១ លាន​នាក់​ឯ​ណោះ៕

    ប្រភព៖ TheThings | Scorum

    ភ្ជាប់ទំនាក់ទំនងជាមួយ CTS SPORT