ក្លឹប FC Barcelona បានប្រកាសថាខ្សែប្រយុទ្ធ Ansu Fati នឹងអវត្តមានពីទីលានប្រកួតរហូតដល់៤ខែឯណោះ ដោយសារតែរងរបួសជង្គង់កាលពីប្រកួតកន្លងទៅនេះ។
ក្រុម Barcelona ចុងសប្ដាហ៍កន្លងទៅ បានយកឈ្នះលើក្រុម Real Betis ក្នុងលទ្ធផល ៥-២ សម្រាប់ការប្រកួតពានរង្វាន់ La Liga។ ក្នុងការប្រកួត Fati នេះ បានរងរបួសនឹងត្រូវប្ដូរចេញនៅតង់ទី១ ហើយក្រោយពីពិនិត្យយ៉ាងម៉ត់ចត់ទៅឃើញថារូបគេ មានបញ្ហារបួសជង្កង់ធ្ងន់ធ្ងរត្រូវសម្រាកដល់៤ខែឯណោះ។
យុវជនវ័យ១៨ឆ្នាំខាងលើនេះ លេងឱ្យក្រុម Barcelona បាន១០ប្រកួត និងរកបាន៥គ្រាប់ផងដែរ។ រូបគេបានក្លាយជាកីឡាករជម្រើសដំបូងមួយសម្រាប់លោក Ronald Koeman អ្នកចាត់ការក្រុម Barcelona ទៅហើយ ត្រឹមវ័យ១៨នេះ៕ប្រភព Marca