ខ្សែបម្រើរបស់ក្លឹបតោខៀវ Chelsea គឺកីឡាករ N’Golo Kante កំពុងទទួលបានការចាប់អារម្មណ៍ពីសំណាក់ក្លឹប Inter Milan ដែលដឹកនាំដោយគ្រូចាស់ Antonio Conte។
បុរសសញ្ជាតិបារាំងផ្សាភ្ជាប់ក្នុងចចាមអារ៉ាមជុំវិញការផ្ទេរចេញទៅទឹកដី San Siro ច្រើនលើកមកហើយ តែដោយសារការចរចាមិនសម្រេចនិងកាលបរិច្ឆេទទីផ្សារដោះដូរផុតកំណត់ រុញឲ្យ Kante បន្តឈរជើងនៅ Stamford Bridge មកទល់បច្ចុប្បន្ន។
យ៉ាងណាមិញតាមសារព័ត៌មាន Canal+ ចុះផ្សាយថា Inter កំពុងសម្លឹងចង់នាំយកកីឡាករវ័យ ២៩ ឆ្នាំខាងលើត្រឹមរដូវក្តៅឆ្នាំ ២០២១ ខាងមុខនេះ ស្របពេលដែលកុងត្រារបស់គេមានសុពលភាពផុតកំណត់នៅឆ្នាំ ២០២៣ ឯ ណោះ។ ក្រៅពី Inter ក៏មានក្លឹប Real Madrid មួយផ្សេងទៀតដែលចង់បាន Kante ដូចគ្នា៕ ប្រភព៖ Sportsmole