ក្រុមដឹកនាំដោយលោក Pep Guardiola បានត្រឹមស្មើជាមួយក្រុមដឹកនាំដោយលោក Jurgen Klopp កាលពីយប់មិញ ក្រោមលទ្ធផល ១-១។ ការទទួលបាន ១ ពិន្ទុរុញឲ្យហង្សធ្លាក់មកលេខ ៣ បណ្តោះអាសន្ន ស្របពេលដែលមេឃខៀវឈរនៅលេខ ១០។
ក្រុមខាងលើទាំងពីរមានឱកាសវាយសម្រុកគ្នាគួរសម ប៉ុន្តែការស៊ុតចំគោលដៅធ្វើមិនសូវបានល្អឡើយពីសំណាក់ខ្សែប្រយុទ្ធ ដោយគ្រាប់បាល់កើតឡើងនៅនាទី ១៣ តាមរយៈការស៊ុតបាល់ប៉េណាល់ទីនាំមុខបើកមុន មុនត្រូវបាន Gabriel Jesus តាមស្មើនៅនាទី ៣១ ហើយរក្សាលទ្ធផលដល់បញ្ចប់តង់ទីពីរ។
ទស្សនាវីដេអូខាងក្រោម៖
នៅប្រកួតបន្ទាប់ Liverpool នឹងត្រូវប៉ះក្រុមកំពូលតារាង Leicester City ដែលនាំមុខខ្លួន ១ ពិន្ទុ មុនត្រូវបើកទ្វារស្វាគមន៍ Atalanta សម្រាប់ជើងទី ២ នៅ UCL។ រីឯ City ត្រូវប៉ះក្រុមខ្លាំង Spurs មុនហោះទៅជួប Olympiacos នៅទឹកដីប្រទេសក្រិក៕