Harry Kane ប្រធានក្រុម Spurs បានអះអាងថាសមាជិករបស់ខ្លួនមានសមត្ថភាពគ្រប់គ្រាន់នារដូវកាលនេះ ក្នុងការឈ្នះពានរង្វាន់ English Premier League ។
ក្រុម Spurs នឹងប៉ះក្រុម West Brom នៅម៉ោង៧ល្ងាចនេះក្នុងការប្រកួតសប្ដាហ៍ទី៨។ ប្រសិនបើក្រុមរបស់លោក Jose អាចឈ្នះការប្រកួតនេះបាន នោះពួកគេនឹងហក់ឡើងដល់កំពូលតារាងបណ្ដោះអាសន្នហើយ ប៉ុន្តែក៏ត្រូវមើលការប្រកួតបន្ដបន្ទាប់ទៀតរបស់ Liverpool និង Leciester City ផងដែរ។ ជាមួយទម្រង់លេងនិងសមាជិកក្រុមថ្មី ពោរពេញដោយសមត្ថភាពនារដូវកាលនេះ ទើបធ្វើឱ្យសមាជិកក្រុមមានទំនុកចិត្តថាពួកគេអាចលើកពានបាន។
Kane ដើរតួជាប្រធានក្រុមម្នាក់នោះ ចេញមកនិយាយថា៖ “ពេលអ្នកមើលមកសមត្ថភាពក្រុមរបស់ពួកយើង អ្នកនឹងអាចនិយាយបានថាក្រុមនេះមានសមត្ថភាពគ្រប់គ្រាន់ក្នុងការឈ្នះពាន។ យើងធ្លាប់បានទៅកៀកនឹងវាទៅហើយ កាលពីប៉ុន្មានឆ្នាំមុន ប៉ុន្តែវានឹងមិនងាយស្រួលដូចការគិតឡើយ។ យើងនឹងសល់ការប្រកួតជាច្រើនទៀត នឹងពិតជាស្វិតស្វាញខ្លាំង”៕ប្រភព Dailymail
