Immobile, Lucas Leiva និង Thomas Strakosha នឹងមិនអាចលេងឱ្យ Lazio បានឡើយពេលប៉ះ Juventus នៅថ្ងៃអាទិត្យនេះ ដោយសារតែពួកគេវិជ្ជមានកូវីដ១៩។
Immobile ដែលជាអ្នករកគ្រាប់បាល់ចុងក្រោយឱ្យ Lazio យកឈ្នះ Torino ៤-៣កាលពីថ្ងៃអាទិត្យកន្លងទៅនោះ បានធ្វើតេស្ដវិជ្ជមានកូវីដ១៩ទៅហើយ។ មិនត្រឹមតែរូបគេម្នាក់ទេ មិត្តរួមក្រុម២នាក់ទៀតគឺ Lucas Leiva និង Thomas Strakosha ក៏វិជ្ជមានកូវីដ១៩ដូចគ្នា។ ពួកគេទាំងបីនាក់នឹងអវត្តមានក្នុងការប្រកួតជាមួយ Juventus នៅសប្ដាហ៍នេះ។
រំលឹកថាមុនការប្រកួតនេះ ក្រុម Lazio ទាំងមូលបានធ្វើតេស្ដរកមេរោគនៅ Future Diagnostica laboratory ហើយលទ្ធផលបានចេញមកថាពួកគេមិនមានឆ្លងមេរោគនោះទេ។ តែការតេស្ដម្ដងទៀតដែលធ្វើឡើងនៅកន្លែងផ្សេងបានចេញមកថា មានកីឡាករ៣នាក់ឯណោះដែលមានមេរោគ និងត្រូវដាក់នៅដោយឡែកសិន៕
ប្រភព៖ DailyMail