• Douglas Costa ៖ ​ខ្ញុំ​មិន​ដែល​ឃើញ​កីឡាករ​ណា ខំ​ហាត់​ដូច Ronaldo ​ទេ

    Douglas Costa ​បាន​និយាយ​ថា​ខ្លួន​មិន​ដែល​ឃើញ​កីឡាករ​បាល់ទាត់​ណា​ម្នាក់​ខំ​ប្រឹង​ហ្វឹកហាត់​​ដូច Cristiano Ronaldo ​នោះ​ទេ ​រូបគេ​តែង​មក​លឿន​ជាង​គេ ​និង​ទៅ​ផ្ទះ​វិញ​ក្រោយ​គេ​ជា​និច្ច។

    Ronaldo ​ផ្លាស់​ទៅ​លេង​នៅ Juventus ​បាន​ធ្វើ​ឱ្យ​កីឡាករ​ក្នុង​ក្លឹប​នៅ​អ៊ីតាលី​នេះ ​គោរព​ស្រលាញ់​ខ្លាំង​មែនទែន។ ​ថ្ងៃ​ដំបូង​របស់​រូបគេ​​នៅ​ទី​នោះ ​ទទួល​បាន​ការ​រាក់ទាក់​យ៉ាង​​ខ្លាំង​ពី​សំណាក់​មិត្ត​រួម​ក្រុម។ ​ក្រោយ​ពី​បាន​ហ្វឹកហាត់​ជាមួយ​គ្នា​ប៉ុន្មាន​ថ្ងៃ Douglas Costa ​សមាជិក​ក្រុម​សេះ​​បង្កង់​មួយ​រួប​បាន​និយាយ​ចំពោះ Ronaldo ​ថា​ជា​កីឡាករ​ម៉ាស៊ីន ​ហ្វឹកហាត់​លើស​គេ​ឯង ​និង​ពិត​ជា​ខំ​ប្រឹង​​ខ្លាំង​មែន​ទែន។

    “ជា​ពិត​ជា​រឿង​មិន​អាច​ទៅ​រួច​ទេ ​បើ​អ្នក​ចង់​ធ្វើ​ឱ្យ​ដូច Ronaldo ​នោះ។ អំឡុង​ពេល​ហ្វឹកហាត់ ​ពេល​យើង​មក​ដល់ ​គាត់​បាន​ហ្វឹកហាត់​ម្នាក់​ឯង​បាត់​ទៅ​ហើយ ​ហើយ​ពេល​យើង​ត្រលប់​ទៅ​ផ្ទះ​វិញ ​គាត់​បាន​បន្ដ​ហ្វឹកហាត់​ម្នាក់​ឯង។ ខ្ញុំ​មិន​ដែល​ឃើញ​កីឡាករ​ណា​អីចឹង​នោះ​ទេ។ គ្មាន​នរណា​ធ្វើ​ដូច​គាត់​ឡើយ”។ សម្ដី​របស់ Costa ។ 

    Ronaldo ​វ័យ​៣៣​ឆ្នាំ​ហើយ ​ប៉ុន្តែ​ក្រុម​គ្រូ​ពេទ្យ​ពិនិត្យ​សុខភាព​របស់​គេ​នៅ​ក្លឹប Juventus ​បាន​បញ្ជាក់​ថា​ក្នុង​ខ្លួន​កីឡាករ​រូប​នេះ​មាន​ជាតិ​ខ្លាញ់​តែ​៧​%​ប៉ុណ្ណោះ។ ក្រៅ​ពី​នោះ​គឺ​ជា​សាច់​ដុំ ​ហើយ​កម្លាំង​របស់​គេ​វិញ ​ប្រៀប​បាន​ទៅ​នឹង​កីឡាករ​វ័យ​២០​ឆ្នាំ​អីចឹង៕ប្រភព៖ Sportbible

     

     

    ភ្ជាប់ទំនាក់ទំនងជាមួយ CTS SPORT