ក្លឹបបារាំង Paris Saint-Germain នឹងត្រូវតតាំងក្លឹប Rennes នាវេលាម៉ោង ០៣:០០ នាទីព្រឹក មានផ្សាយផ្ទាល់លើទំព័រ CTS Sports។
មុនឈានដល់ការប្រកួតរវាងក្រុមលេខ ១ និងលេខ ៣ នៅ Ligue 1 យើងធ្វើការបង្ហាញពីស្ថានភាពកីឡាកររវាងក្រុមទាំងពីរ និងទស្សន៍ទាយលទ្ធផលដែលព្យាករណ៍ទុកពីគេហទំព័រ Sportskeeda។
សម្រាប់ PSG ត្បិតបើប៉ុន្មានប្រកួតចុងក្រោយលេងបានល្អនៅការលេងក្នុងលីគ ប៉ុន្តែសមាសភាពកីឡាករជាច្រើនបានរងរបួសដូចជា Julian Draxler, Marco Verratti, Neymar, Mauro Icardi, Juan Bernat និង Alexandre Letellier ដែលញាំងឲ្យការប្រកួតរបស់ពួកគេនៅតំបន់ខាងលើអាចជានឹងរងបញ្ហាបន្តិចបន្តួច។
ក្លឹបទាំងពីរធ្លាប់ជួបគ្នាសរុប ៧៣ លើក ខាង PSG ឈ្នះ ៣៧ លើក ស្មើ ១៧ លើក និងចាញ់ ១៩ លើក។ បើទោះបីជាស្ថិតិកន្លងមកឃើញថា PSG មានប្រៀបជាងក្តី តែតាមស្ថានភាពកីឡាករពេលនេះគេព្យាករណ៍ថាក្រុមទាំងពីរនឹងបញ្ចប់ត្រឹមលទ្ធផលស្មើ ២-២ ប៉ុណ្ណោះ។
ជម្រើស ១១ រូបដែលអាចប្រើប្រាស់រវាងក្រុមទាំងពីរបង្ហាញដូចខាងក្រោម៖
PSG (4-3-3) Keylor Navas; Alessandro Florenzi, Marquinhos, Presnel Kimpembe, Mitchel Bakker; Idrissa Gueye, Ander Herrera, Leandro Paredes; Angel Di Maria, Moise Kean, Kylian Mbappe
Rennes (4-3-3) Alfred Gomis; Dalbert Henrique, Nayef Aguerd, Damien Da Silva, Hamari Traore; Clement Grenier, Eduardo Camavinga, Steven Nzonzi; Martin Terrier, Serhou Guirassy, Jeremy Doku
ប្រភព៖ Sportskeeda