• (វីដេអូ) Lille បញ្ចប់​កំណត់ត្រា​មិន​ស្គាល់​ពាក្យ​ថា “ចាញ់” ៣២ ប្រកួត​របស់ AC Milan

    ការ​ប្រកួត​នៅ​ជុំ​ទី ៣ វគ្គ​ចែក​ពូល UEFA Europa League កាល​ពី​យប់​មិញ បាន​បង្កើត​លទ្ធផល​ដ៏​ភ្ញាក់ផ្អើល​មួយ​ជុំវិញ​បរាជ័យ​របស់​ក្លឹប AC Milan ដែល​ជា​ក្លឹប​កំពុង​ឡើង​ជើង​ខ្លាំង​នៅ​តំបន់​អឺរ៉ុប។

    Db Milano 05/11/2020 – Europa League / Milan-Lille / foto Daniele Buffa/Image nella foto: esultanza gol Yusuf Yazc PUBLICATIONxNOTxINxITA

    ក្រុម​ម្ចាស់ផ្ទះ AC បាន​ចាញ់​ក្រុម​ភ្ញៀវ Lille ក្រោម​លទ្ធផល ០-៣ ដោយ​ជា​ការ​សម្រេច​ទី​ពី​សំណាក់​កីឡាករ Yusuf Yazici ដែល​រក​បាន​ Hat-Trick នៅ​នាទី ២១, ៥៥ និង ៥៨។ ៣ ពិន្ទុ​ដ៏​សំខាន់​នេះ បាន​រុញ​ឲ្យ​ឈ្មោះ AC ធ្លាក់​មក​លេខ ២ ក្នុង​ពូល H ខណៈ Lille នាំ​មុខ ១ ពិន្ទុ​នៅ​ឈរ​ចំណាត់ថ្នាក់​កំពូល។

    ទស្សនា​វីដេអូ​ខាង​ក្រោម៖

    បញ្ជាក់​ថា បរាជ័យ​នេះ​គឺ​ជា​ការ​បញ្ចប់​កំណត់ត្រា​មិន​ស្គាល់​ពាក្យ​ថា “ចាញ់” (រាប់​គ្រប់​ការ​ប្រកួត​ទាំង​អស់) របស់ AC Milan ចំនួន ៣២ ប្រកួត ដែល​រាប់​ចាប់​តាំង​ពី​ពេល​ចាញ់ Genoa លើក​ចុង​ក្រោយ​បង្អស់ ២-១ នៅ​ថ្ងៃ​ទី ៨ មិនា ឆ្នាំ ២០២០ ហើយ​បន្ត​ស្មើ​និង​ឈ្នះ​តាំង​ពី​ប្រកួត​នា​ខែ​មិថុនា​រៀង​មក៕

     

    ភ្ជាប់ទំនាក់ទំនងជាមួយ CTS SPORT