Jerome Boateng បានប្រាប់ទៅក្លឹបបិសាចក្រហម Manchester United ថាខ្លួនគ្មានចំណាប់អារម្មណ៍ទៅលេងនៅអង់គ្លេសឡើយ បើទោះជាក្លឹបដាក់សំណើល្អយ៉ាងណាក្ដី។
ក្រុមរបស់លោក Jose Mourinho បានដាក់សំណើទិញយកអ្នកចាំទីខាងលើនេះ ក្នុងតម្លៃខ្លួន២២,៥លានផោន កាលពីថ្ងៃអង្គារម្សិលមិញនេះ។ ប៉ុន្តែត្រូវបានក្លឹបបដិសេធភ្លាម ហើយក្លឹបបិសាចក្រហមក៏បានតំឡើងតម្លៃខ្លួនគុណនឹងពីរសម្រាប់ Boateng រហូតដល់៤៥លានផោន។ តម្លៃប៉ុណ្ណឹងហើយ ក៏កីឡាករជម្រើសជាតិអាល្លឺម៉ង់រូបនេះ នៅតែបដិសេធមិនព្រមមក Old Trafford ដដែល ដោយបញ្ជាក់ថារូបគេគ្មានបំណងនិងចាប់អារម្មណ៍មកលេងនៅអង់គ្លេសឡើយ។
ក្រោយពីការបដិសេធនេះទៅ បិសាចក្រហមកំពុងតែជួបបញ្ហារឿងទិញដូរកីឡាករហើយ ព្រោះថាពួកគេមួយរយៈមកនេះមិនទាន់នាំចូលកីឡាករណាបានម្នាក់ទេ។ ជាពិសេសកីឡាករនៅតំបន់ការពារតែម្ដង ដែលលោក Jose Mourinho ត្រូវការជាខ្លាំងនោះ បែរជាមិនទាន់ទិញចូលបានសូម្បីតែម្នាក់នៅឡើយ៕ប្រភព៖ DailyMail