ក្រុម Juventus បានយកឈ្នះលើក្រុម Ferencvaros ក្នុងលទ្ធផល ៤-១ សម្រាប់ការប្រកួតពានរង្វាន់ UEFA Champions League សប្ដាហ៍ទី៣កាលពីយប់មិញនេះ។
ខ្សែប្រយុទ្ធ Morata រកបាន២គ្រាប់ម្នាក់ឯង និង Dybala ១គ្រាប់ទៀតមុនពេល Dvali ស៊ុតចូលទីខ្លួនឯងជួយឱ្យក្រុម Juventus ឈ្នះក្នុងលទ្ធផល ៤-១។ ត្បិតតែទទួលបានលទ្ធផលយ៉ាងល្អនេះមែន ប៉ុន្តែបើតាមសម្ដីរបស់អ្នកចាត់ការ Pirlo មើលឃើញថាកូនក្រុមរបស់លោកនៅលេងមិនទាន់យល់ចិត្តគ្នាល្អនោះទេ។
លោក Pirlo បានបញ្ជាក់ថាលទ្ធផលគឺធ្វើឱ្យអ្នកគាំទ្រសប្បាយចិត្តហើយ ប៉ុន្តែបើមើលទៅលើទម្រង់លេងរបស់ក្រុមវិញគឺនៅមិនទាន់ល្អនោះទេ។ កីឡាករនៅកំណាញ់បាល់ឱ្យមិត្តរួមក្រុមនៅឡើយ។ នេះជាចំណុចមួយដែល Juventus ត្រូវការការហ្វឹកហាត់បន្ថែមទៀត ដើម្បីធ្វើឱ្យតំបន់ប្រយុទ្ធកាន់តែមុតស្រួចបន្ថែមទៀត៕
ប្រភព៖ Goal