អ្នកចាំទី Marc-Andre ter Stegen មើលឃើញចំណុចត្រូវកែលម្អជាច្រើនទៀតក្នុងក្រុម FC Barcelona បើទោះជាពួកគេបានយកឈ្នះលើក្រុម Dynamo Kyiv ក្នុងលទ្ធផល ២-១។
ក្រុមអ្នកមានបុណ្យត្បិតតែទទួលបាន៣ពិន្ទុបន្ថែមទៀតមែន ប៉ុន្តែពួកគេលេងនៅមានចំណុចខ្វះខាតច្រើន។ អ្នកចាំទី Stegen បានបង្គ្រោះបាល់ជាច្រើនគ្រាប់ និងបានបញ្ជាក់ថាក្រុម Barcelona នាពេលបច្ចុប្បន្ននេះត្រូវពង្រឹងសមត្ថភាពក្រុមឱ្យខ្លាំងបន្ថែមទៀត ទើបអាចប្រជែងជាមួយក្រុមដទៃទៀតបាន។
កីឡាករអាល្លឺម៉ង់ខាងលើបាននិយាយថា៖ “យើងបានទទួលរងសម្ពាធពីការសម្រុករបស់គេច្រើន។ យើងត្រូវប្រឹងប្រែងបន្ដទៀតសម្រាប់ការរក្សាតំបន់ការពារឱ្យបានល្អ និងប្រយុទ្ធឱ្យមុតស្រួចបន្តិច។ នៅតង់ទី១យើងលេងបានយ៉ាងល្អ ប៉ុន្តែតង់ទី២វិញ យើងមិនអាចធ្វើបានល្អនោះទេ”៕
ប្រភព៖ Marca